Schiaparelli-ի գարուն-ամառ 2025 haute couture հավաքածուում հին աշխարհի գլամուրը հանդիպում է նոր աշխարհի տեսլականին

Schiaparelli-ի գարուն-ամառ 2025-ի haute couture հավաքածուի պատմությունը սկսվեց վինտաժային ժապավեններով, որոնք կրեատիվ տնօրեն Դենիել Ռոզբերրին գտել էր հնաոճ իրերի խանութում:

«Երբ ես ձեռքս անցկացրեցի դրանց վրայով, հասկացա, թե ինչ եմ ուզում՝ ստեղծել մի բան, որը նոր է թվում, քանի որ այն հին է», - բացատրել է դիզայները իր շոուի գրառումներում: «Ես այնքան եմ հոգնել նրանից, որ բոլորը մշտապես նույնացնում են արդիականությունը պարզության հետ. մի՞թե նորը շռայլ չէ: Արդյո՞ք մեր ֆիքսվածությունը այն բանի վրա, թե ինչ է ժամանակակից տեսքը կամ զգացողությունը, դարձել է սահմանափակում: Արդյոք դա արժե՞ մեր երևակայությունը»:

Դիզայները Փարիզի Petit Palais-ում ներկայացրել է Icarus հավաքածուն։ Այն ներառում էր բաճկոններ, շողշողացող ատլասե զգեստներ եւ նեոպրենով ասեղնագործված օպերային վերարկուներ: Մարգարիտները, փետուրները եւ ասեղնագործությունները զարդարում էին պոդիումին ցուցարվող զգեստները:

«Սա հիմնականում դարի սկզբի ասեղնագործության տեխնիկան էր»,-շոուից հետո կուլիսներում նշել է Ռոզբերին: «Սա այն է, ինչ առաջարկում է կուտյուրը: Սա ընդամենը 15 րոպե կասեցված իրականության խոստում է»:

Ռոզբերրին ոգեշնչվել է մեծ կուտյուրիստներից, ներառյալ Ազեդին Ալայան, Մադամ Գրեսը, Չարլզ Ֆրեդերիկ Ուորթը, Պոլ Պուարեն եւ Իվ Սեն Լորանը, ընտրելով նմուշբեր 1920-ականներից մինչեւ 1990-ականները: «Ես չէի ուզում կրկնօրինակել նրանց աշխատանքը. Ես ուզում էի սովորել նրանցից»,-նշել է նա իր շոուի գրառումներում։

Հավաքածուի մյուս ուշագրավ կետերը ներառում էին բաց բաճկոններ՝ քանդակազարդ դետալներով, շղարշով հոսող զգեստներ, եւ, իհարկե, երեւակայելի շղարշ, ծալք։ Կորսետի յուրաքանչյուր դետալ զարդարված էր փետուրներով, ասեղնագործությամբ եւ փայլուն ուլունքներով:

«Schiaparelli-ի ստորագրությունը, նրա ԴՆԹ-ն կապված չէ ուրվագծի հետ, որն ինձ շատ է դուր գալիս», -ավելացրել է Ռոզբերին: «Դա ավելի շատ գաղափար է, հայեցակարգ: Այսպիսով, ես զգում եմ, որ իրավունք եւ ազատություն ունեմ աշխատելու դարի սկզբի ուրվագիծով կամ ինչ-որ բանով, որը հիշեցնում է 30-ականները, 20-ականները, 50-ականները»: