«Եթե մի հայ Հայոց ցեղասպանությունը կհերքի՝ հայ կոչվելու իրավունք չունի». հայտնիների արձագանքը՝ Փաշինյանի հայտարարության վերաբերյալ
15:39 29 հունվարի, 2025Մի շարք հայ հայտնիներ անդրադարձել են Հայոց ցեղսպանության թեմային՝ օրերս Նիկոլ Փաշինյանի արած հայտարարության ֆոնին:
«Մենք Հայոց ցեղասպանության պատմությանն էլ պետք է վերադառնանք, հասկանանք՝ ինչ է տեղի ունեցել եւ ինչու է տեղի ունեցել, ինչպես ենք դա ընկալել, ում միջոցով ենք ընկալել»,- շվեյցարահայ համայնքի ներկայացուցիչների հետ հանդիպման ընթացքում իր խոսքում նշել էր Փաշինյանը։
«Ազգ, ով իր անցյալը չի հիշում, չի կարող հզորանալ»,-ինստագրամյան «սթորի» բաժնում գրել է Արմեն Պետրոսյանը:
«Սա իմ ազգի պատմությունն է, սա իմ պատմությունն է: Երբեք չեմ մոռանա»,-գրել է Արկադի Դումիկյանը՝ օգտագործելով Armenian Genocide 1915 հեշթեգը:
«Եթե մի հայ Հայոց ցեղասպանությունը կհերքի՝ ՀԱՅ կոչվելու իրավունք չունի»,-հավելել է ամերիկաբնակ երգիչ Նորոն:
