Miu Miu-ն դարձել է 2024թ. ամենահանրահայտ նորաձեւ բրենդը

Miu Miu-ն դարձել է 2024թ. ամենահանրահայտ նորաձեւ բրենդը։ Իտալական նորաձեւության բրենդը անցած տարի ամենահանրահայտ բրենդն էր աշխարհում, վկայում են Lyst Index-ի տվյալները։

Միուչա Պրադայի գլխավորությամբ Miu Miu-ն առաջատարն էր 2024թ. չորս եռամսյակներից երեքում՝ երկրորդ եռամսյակում պարտվելով Loewe-ին։ 2024թ. չորրորդ եռամսյակում բրենդն ունեցել է նաեւ երրորդ ամենահայտնի արտադրանքը՝ բրդե բաճկոնը, գրել է Robb Report-ը։

Prada-ն նաեւ ողջ տարվա ընթացքում մնացել է լավագույն եռյակում՝ 2024-ն ավարտելով վարկանիշի 3-րդ տեղում։ Saint Laurent-ը, սակայն, անշեղորեն բարձրացել է ողջ տարվա ընթացքում՝ չորրորդ եռամսյակում հասնելով 2-րդ տեղին։ Ամենահայտնի բրենդների հնգյակը եզրափակել են Loewe-ը՝ 4-րդ տեղ, Coach-ը՝ 5-րդ տեղ:

Coach-ի վերելքը բավական ուշագրավ է, քանի որ այն բարձրանում է տպավորիչ՝ 10 դիրքով: Բրենդի արտադրանքի պահանջարկն աճել է 65 տոկոսով։ Lyst-ը վերելքը վերագրում է Coach-ի հաջողությանը՝ Gen Z հաճախորդներին ներգրավելու, ինչպես նաեւ մրցակցային զեղչերի հարցում, որոնք թույլ են տվել ավելի շատ մարդկանց գնել Coach-ի արտադրանքը: Լեյբլը նաեւ ունեցել է իր ամենահայտնի արտադրանքը տարվա չորրորդ եռամսյակում, որի Brooklyn պայուսակի որոնումներն ավելացել են 46 տոկոսով:

Մի քանի այլ բրենդներ ավելի լավ են հանդես եկել նաեւ Lyst-ի վերջին ինդեքսում, որտեղ Ugg-ն առաջին անգամ հայտնվել է լավագույն տասնյակում: Վաճառքները սովորաբար ավելանում են ցուրտ ամիսներին, սակայն Ugg-ի որոնումներն ավելացել են ապշեցուցիչ՝ 358 տոկոսով տարվա վերջին երեք ամիսներին: (Բրենդը գրանցել է ավելի համեստ՝ 12 տոկոսանոց աճ նախորդ տարվա համեմատ)։ Մինչդեռ, ամենաարագ աճող բրենդներն են Our Legacy-ն, DeMellier-ը եւ Auralee-ն:

Իհարկե, այս տվյալները ներառում են գնորդի ընտրությունը եւ շահերը 2024թ. վերջի համար: Եվ շուտով կիմանանք, թե ինչպես է փոխվելու ճաշակն այս տարի: