MB&F-ն եւ Bulgari-ն նորից միավորել են ջանքերը՝ ինքնատիպ եւ նորարարական ժամացույց ստեղծելու համար
20:19 12 փետրվարի, 2025MB&F-ն եւ Bulgari-ն նորից միավորել են ջանքերը՝ ինքնատիպ եւ նորարարական ժամացույց՝ Bulgari x MB&F Serpenti, ստեղծելու համար, գրել է Hypebeast-ը։
Ժամացույցը ինքնատիպ է եւ ստեղծվել է երկու բրենդների միավորված տեսլականով եւ փորձի հիման վրա, այնլլիովին վերամշակվել է կորպուսի դիզայնի եւ մեխանիզմի առումով։ Արդյունքը ժամացույցն է, որն անթերի կերպով բարելավել է թե՛ տրամաչափը, թե՛ դիզայնը։
Bulgari x MB&F Serpenti-ի նախագծման գործընթացը ինտենսիվ էր, ներառել է հարյուրավոր էսքիզներ եւ տասնյակ մոդելներ՝ տպագրված 3D-տպիչով։ Կորպուսի դիզայնը շատ բարդ է, ծալքերով եւ այնպիսի չափերով, որոնք առաջարկում են արմատապես այլ տեսք յուրաքանչյուր դիտանկյունից։ Այս բարդ դիզայնը տարածվում է հինգ հատուկ ապակիների վրա, ներառյալ օձի աչքերը, որոնք մշակված են «հակամարիչ» թաղանթով երկու կողմից։
Կորպուսի ներսում գտնվում է նույնքան բարդ մեխանիզմը, որը մտածվել եւ մշակվել է MB&F ընկերությունում։ Պատվերով պատրաստված մեխանիզմն ունի ժամերի եւ րոպեների պտտվող գմբեթ, ձեռքով պատրաստված Super-LumiNova եւ մեծացված 14 միլիմետրանոց սավառնող բալանսային անիվ՝ լրացված ընթացքի 45-ժամյա պաշարով։
Bulgari x MB&F Serpenti ժամացույցը հասանելի է երեք սահմանափակ թողարկումներով, որոնցից յուրաքանչյուրն ունի 33 նմուշ. 5-րդ դասի տիտանե կորպուսով՝ ժամերի եւ րոպեների կապույտ գմբեթով, 18 կարատանի վարդագույն ոսկուց կորպուսով՝ չժանգոտվող մետաղից, սեւ PVD-թաղանթով, եւ վառ կարմիր աչքերով։