Ամենաերկար համբույրի համաշխարհային ռեկորդը սահմանած զույգը բաժանվել է

Ամենաերկար համբույրի համաշխարհային ռեկորդը սահմանած զույգը բաժանվել է. Թաիլանդից Էկկաչայ Տիրանարատը և նրա կինը՝ Լակսանան, համբուրվել են 58 ժամ 35 րոպե՝ 2013 թվականին գերազանցելով Գինեսի ռեկորդը:

Բայց BBC Sounds-ի Witness History-ի պոդքասթի շրջանակում Էկքաչայը բացահայտել է, որ նրանք բաժանվել են, բայց նա մինչ օրս «շատ հպարտ է» ձայնագրությամբ:

Նա բացատրել է, որ մրցույթի խիստ կանոնները՝ ներառյակ համբույրը զուգարանի ընդմիջումների ժամանակ պահպանելու փորձը շատ հեռու էին դարձնում այն հաճելի լինելուց:

«Ես շատ հպարտ եմ։ Դա կյանքում մեկ անգամ տեղի ունեցավ»,-հաղորդավար Մեգան Ջոնսի հետ զրույցում ասել է նա։

Երկակի հաղթողներ Էկքաչայը և Լակսանան առաջին անգամ սահմանել են ամենաերկար համբույրի համաշխարհային ռեկորդը 2011 թվականին՝ 46 ժամ 24 րոպե տևողությամբ։

Էկքաչայը և Լակսանա Թիրանարատը շարունակում են մնալ Գինեսի ռեկորդակիրներ ամենաերկար համբույրի համար, բայց դրանից հետո անցել են իրենց ճանապարհը:

Լակսանան նոր էր ապաքինվել երկարատև հիվանդությունից, և Էկքաչայը ցանկանում էր նրան արձակուրդ տանել «միջավայրի փոփոխության» համար։ Սակայն 50,000 թայլանդական բաթի (այն ժամանակ մոտ 1200 ֆունտ ստեռլինգ) և ադամանդե մատանու խոստումն ավելի քան բավարար էին, որպեսզի զույգը ընդուներ մարտահրավերը։  

Էկքաչայը հիշում է, որ իրեն «ապշեցրել են» համաշխարհային ռեկորդի փորձի կանոնները, որոնք պահանջում էին, որ զույգի  «շուրթերը հպված լինեին ամբողջ ժամանակ և նրանք արթուն մնային ողջ ընթացքում»։

Բացի այդ, կանոններում ասվում էր, որ «մասնակիցները պետք է կանգնեն և չեն կարող որևէ կերպ աջակցել միմյանց», և որ «մեծահասակների տակդիրներն արգելված էին»:

Չնայած նրանց հսկայական ջանքերին և 46 ժամ 24 րոպե սենսացիոն ժամանակին, Էկկաչայի և Լակսանայի հաղթանակը 2011-ին, ցավոք, կարճ տեւեց:

2012 թվականին, երբ Էկքաչայը հիվանդացավ և չկարողացավ մրցել, նրանք մեկ այլ զույգի զիջեցին առաջին տեղից:

Այնուամենայնիվ, մինչև 2013 թվականը զույգը որոշել էր նորից փորձել։ Էկկաչայը և Լակսանան քրտնաջան մարզվել էին մրցույթի համար՝ իմանալով, որ պետք է գերազանցեն 50 ժամ 25 րոպեի ռեկորդը: «Մենք փորձում էինք ուղիղ կանգնել, ինչպես արձանները։ Մենք մի ձեռքով հարվածում էինք միմյանց գլխին, մյուսով գրկում միմյանց, որպեսզի արթուն մնայինք»,-հիշում է Էկքաչայը:

Եվ քանի որ Գինեսի համաշխարհային ռեկորդները վերացրել են ամենաերկար համբույրի կատեգորիան 2013 թվականի հաղթանակից հետո, նա և այժմ նախկին կինը՝ Լաքսանան, շարունակում են մնալ համաշխարհային ռեկորդակիրներ:

Կազմակերպությունն ասում է, որ կատեգորիան հանվել է, քանի որ այն դարձել է չափազանց վտանգավոր, և որոշ կանոններ այլևս չեն համապատասխանում իրենց նորացված քաղաքականությանը: