62-ամյա թոշակառու կինը՝ ներքնազգեստի գովազդում
13:13 1 փետրվարի, 2014Ամերիկյան 62-ամյա թոշակառու Ջեքի Օ՛Շոգնեսին դարձել է ներքնազգեստի գովազդի մոդել:
Հագուստ արտադրող ամերիկյան American Apparel ընկերությունը կանացի ներքնազգեստի գովազդի համար որպես մոդել ընտրել է Ջեքիին, ով գովազդային պաստառների վրա ներկայացել է ժանեկավոր ներքնազգեստով:
Ըստ Daily Mail-ի, լուսանկարները մակագրել են այսպես. «Սեքսուալությանը հնազանդ է ցանկացած տարիք»: Չնայած բազմաթիվ լրագրողների թերահավատությանը, գովազդը համացանցի բազմաթիվ օգտատերերին է դուր եկել:
American Apparel ընկերության Facebook-ի էջում Ջեքի Օ՛Շոգնեսիի կիսաէրոտիկ լուսանկարները բազմաթիվ օգտատերերի հավանությանն են արժանացել: Իսկ Instagram-ում նրանց թիվը գերազանցել է 8 հազարը: Պարզվում է՝ 62-ամյա մոդելն առաջին անգամ չէ, որ համագործակցում է American Apparel-ի հետ: Օ՛Շոգնեսիի նախորդ ֆոտոսեսիան կայացել է երկու տարի առաջ: