Bvlgari-ն բացել է աշխարհի ամենամեծ լյուքս դասի ոսկերչական իրերի արտադրության գործարանը
19:12 21 ապրիլի, 2025Bvlgari-ն բացել է աշխարհի ամենամեծ լյուքս դասի ոսկերչական իրերի արտադրության գործարանը Վալենցա հնագույն ոսկերչական թաղամասում։
Նոր գործարանը լավ մտածված, պարզեցված ռազմավարության մի մասն է, որը նույնչափ վերաբերում է ֆունկցիոնալությանն ու տեսլականին: Նպատակն է կրկնապատկել արտադրական հզորությունը մինչեւ 2029թ., ամրապնդել ստեղծագործական համագործակցությունը եւ արդիականացնել արտադրությունը, եւ թե ինչպես է Bvlgari-ն կյանքի կոչում իր ուլտրաշքեղ իրերը:
View this post on Instagram
Բացումը պարզապես վիթխարի էր։ Պանելային երկխոսությունը եւ ժապավենի կտրման արարողությունը, որը գլխավորում էր Bvlgari-ի գործադիր տնօրեն Ժան-Քրիստոֆ Բաբենը LVMH-ի ղեկավարության եւ տեղական հաստատությունների հետ միասին, նախորդել է գերժամանակակից հաստատությունում կատարված շրջայցին:
«Այսօր պատմական իրադարձություն է ոչ միայն Bvlgari-ի, այլեւ Վալենցայի տարածաշրջանի եւ ոսկերչական համաշխարհային արդյունաբերության համար»,- նշել է Ժան-Քրիստոֆը:
Խոսքը միայն ավելի շատ զարդեր արտադրելու մասին չէ: Արդիականացված հարթակը շեշտը դնում է միջդիսցիպլինար նորարարության, բազմամասնագիտական ուսուցման եւ խոր ներդրումների վրա տաղանդավոր արհեստավորների շրջանում: Ակնկալվում է, որ հաստատությունը կստեղծի ավելի քան 1 600 աշխատատեղ մինչեւ 2029թ., ներառյալ ավելի քան 500 նոր աշխատատեղեր՝ ամրապնդելով Bvlgari-ի դերը որպես ոսկերչական արդյունաբերության մշակութային ուղեցույց:
Որպես այդ ոսկե տորթի համեղ պատառիկ՝ Bvlgari-ն նաեւ ներկայացրել է համարձակ կրթական նախաձեռնություն՝ Scuola Bvlgari: Տան առաջին դպրոցը բաց է բոլորի համար, որն այժմ գտնվում է ընդարձակված համալիրում: Դպրոցը կենտրոնացած է բացառապես ոսկերչական արվեստի վրա: Scuola Bvlgari-ն նաեւ արդյունաբերության ապագան ապահովելու ռազմավարական միջոց է, որպեսզի արհեստավորների հաջորդ սերունդը աճեցվի ներսից: