Չնայած գարնանը դեռ մեկ ամիս կա, սակայն օդում արդեն սավառնում է գարնանային տրամադրությունը: Արեւոտ եղանակը ստիպում է մի կողմ նետել տաք հագուստը, ավելի թեթեւ հագնվել, զբոսնել ու վայելել օրը: Սա վերաբերում է նաեւ օծանելիքին: Ձմեռային բույրերը ոչ մի կերպ չեն «սազում» գարնանային տրամադրության հետ, ուստի առաջարկում ենք մի քանի նոր գարնանային բույրեր` աշխարհահռչակ պարֆյումերներից:
L'Eau Par Kenzo Mirror Edition
Բույրի հեղինակը Անտուան Լին է: Օծանելիքի կանացի տարբերակը մրգային բույր է` համեմված սեխի, անանուխի, մանուշակի, մոշի եւ նարդոսի բույրերով:
Bright Crystal Absolut (Versace)
Բույր` նախատեսված գայթակղող կանանց համար: Սա նուռի, ջրաշուշանի տերեւների, պիոնի, մագնոլիայի, կարմիր ծառի, մոշի եւ մի քանի այլ բույրերի խառնուրդ է:
DaliA (Salvador Dali)
Բույրի հեղինակը պարֆյումեր Ֆաբրիս Պելեգրինն է: Սա օծանելիք է` համեմված նարնջի ծառի, ազնվամորու, պիոնի, կանաչ թեյի, թանկարժեք փայտերի բույրերով:
Signorina Eleganza (Salvatore Ferragamo)
Բույրի հեղինակը Սոֆի Լաբբեն է: Այն իր մեջ պարունակում է թուրինջի, տանձի, նուշի երանգներ:
L'Eau Couture (Elie Saab)
Բույրի հեղինակը հայազգի պարֆյումեր Ֆրենսիս Քյուրքջյանն է: Որպես հիմնական բույր ընտրված է վարդի, բերգամոտի, մագնոլիայի, կիտրոնի, վանիլի եւ նուշի միասնությունը: