Հայաստանը՝ «Միսս Աշխարհ»-ում, «Եվրատեսիլ»-ի ետնաբեմում, հայերը՝ Կաննում․ Instagram-ն՝ այս շաբաթ

Ադրինե Աճեմյանը «Միսս Աշխարհ»-ի տաղանդի փուլի քառորդ եզրափակչում է։ «Miss Yerevan Production»-ը, որին է պատկանում մրցույթում Հայաստանի մասնակցության բացառիկ իրավունքը, պարբերաբար թարմացնումներ է հրապարակում մրցույթին Հայաստանի մասնակցությունից։

Посмотреть эту публикацию в Instagram

Публикация от (@missyerevan_official)

Հայաստանի պատվիրակ Ադրինե Աճեմյանն այս շաբաթ նաեւ իր ուղերձն է հղել աշխարհին՝ խոսելով խաղաղության մասին իր կարեւոր հաղորդագրության, Հայաստանում տեղի ունեցած պատերազմի ու դրա հետեւանքով ընկերների կորստի մասին։ Թեմայի շուրջ խոսելիս Ադրինեն չի կարողացել զսպել արցունքները։ Մրցույթը մեկնարկել է մայիսի 7-ից եւ տեւելու է մինչեւ մայիսի 31-ը։ 

Посмотреть эту публикацию в Instagram

Публикация от nana vardanyan (@narivaa)

«Եվրատեսիլ 2025»-ն արդեն անցյալում է, բայց Հայաստանի պատվիրակ Պարգի կինը՝ Նանա Վարդանյանը, շարունակում է հետաքրքիր հոլովակներ ներկայացնել մրցույթի ետնաբեմից։ Նա հումորային տեսանյութ է հրապարակել, որում ցույց է տալիս մրցույթից դուրս մնացած ամենախենթ պահերը։ «Hunger Eurovision S1S1 coming soon»,-հրապարակումը մակագրել է նա։ 

Посмотреть эту публикацию в Instagram

Публикация от Satenik Hazaryan Official (@satenik.hazaryan)

Կաննում ավարտվեց հեղինակավոր կինոփառատոնը, որի կարմիր գորգին փայլեցին նաեւ հայերը։ Փառատոնից հրապարակումներով են կիսվել դերասանուհի Սաթենիկ Հազարյանն ու կոմպոզիտոր Շուշան Սարգսյանը։ Իսկ ռեժիսոր Ելենա Արշակյանը Կաննի կինոշուկայում ներկայացրել է իր առաջիկա ֆիլմի գաղափարը, որը բարձրացնում է սեռով պայմանավորված հղիության ընդհատման խնդիրը։

Посмотреть эту публикацию в Instagram

Публикация от Shushan Sargsyan (@shushansargsyan)

Ամերիկաբնակ հայտնի հայ ռեփեր Սուպեր Սաքոն Մեքսիկայից շտապ Երեւան էր ժամանել. ռեփերի մենեջեր Լիլիթ Գալստյանի խոսքով՝ նրա մոտ սրտի ցավ եւ ծակոցներ են եղել: Երգիչն անմիջապես տեղափոխվել է Աստղիկ ԲԿ, որտեղ նրան սրտի անոթների ստենտավորում են կատարել:

NEWS.am STYLE-ի հետ զրույցում Լիլիթ Գալստյանը նշել է, որ երգչի վիրահատությունը լավ է անցել եւ նա իրեն արդեն լավ է զգում:

Հանրապետության մի շարք դպրոցներում հնչեց Վերջին զանգը։ Դպրոցական զանգը վերջին անգամ հնչեց նաեւ դերասան Ալեքսանդր Արզումանյանի համար: 

Ալեքսանդրի ավարտական օրվա տեսանյութերից ու լուսանկարներից մի քանիսը հայտնվել են նրա ինստագրամյան էջի «սթորի» բաժնում:

Երգչուհի Նանուլն ավարտել է Միջին դպրոցը եւ ինստագրամյան հետեւորդների հետ կիսվել, թե ինչպես է պատրաստվել արարողությանը, ինչ հագուստ է ընտրել ու ինչպես է անցել այն:

Посмотреть эту публикацию в Instagram

Публикация от Vika (Viktorya) Martirosyan (@amarasvika)

Երգչուհու մայրը՝ պարուհի, «Ամարաս» համույթի ղեկավար Վիկա Մարտիրոսյանը, եւս տեսանյութով շնորհավորել է դստերը: