Հարսանիք Ուոլ Սթրիթում. հնդիկների շքեղ ավտոշարասյունը շրջափակել է Նյու Յորքի ֆինանսական կենտրոնը
20:23 30 մայիսի, 2025Այս շաբաթավերջին Մանհեթենը վերածվեց Բոլիվուդի ոճով հեքիաթի, երբ հարսանեկան երթը, կամ բարաաթը, շարժվեց Ուոլ Սթրիթով՝ ժամանակավորապես կանգնեցնելով երթևեկությունը և գրավելով զարմացած անցորդների ուշադրությունը, հաղորդում է NYP-ն։
Նորապսակները՝ «Ռոլայի» գործադիր տնօրեն Վարուն Նավանին և իրավաբանական և ռիսկերի գծով գլխավոր տնօրեն Ամանդա Սոլը, նշեցին իրենց հարսանիքը մի քանի օր տևած տոնակատարությամբ, որն ավարտվեց հսկայական շքերթով, որին մասնակցեցին մոտ 400 հյուրեր՝ ավանդական հնդկական հագուստով։
Посмотреть эту публикацию в Instagram
Տոնակատարությունները սկսվեցին շաբաթ օրը կեսօրին՝ «Չիպրիանի» Ուոլ Սթրիթի պարահանդեսային դահլիճի դիմաց, որտեղ հյուրերը պարում էին փայլուն սարիներով, լեհենգաներով և Բոլիվուդին վայել զարդերով՝ կենդանի դիջեյի հնչյունների ներքո։ Փեսան ներկայացել էր ավանդական սպիտակ շերվանիով և մարգարիտներով զարդարված վզնոցով, մինչդեռ հարսը զարմացրել էր հանդիսատեսին Սաբյասաչի Մուկերջիի շքեղ, բորդո զգեստով, որը զարդարված էր ոսկե ասեղնագործությամբ։
Քաղաքային պաշտոնյաների խոսքով՝ զույգը ներկայացրել է փողոցների փակման 28 թույլտվություն՝ յուրաքանչյուր վայրի համար ծախսելով մինչև 66,000 դոլար՝ կյանքում մեկ անգամ տեղի ունեցող միջոցառումը ֆինանսական թաղամասի սրտում անցկացնելու համար:
Посмотреть эту публикацию в Instagram
Զույգի հարսանեկան կայքի համաձայն, տոնակատարությունները սկսվել են ուրբաթ՝ մայիսի 24-ին, «Քոնրադ» հյուրանոցում կազմակերպված ողջույնի նախաճաշով և աղմկոտ սանգիտ երեկույթով։ Շաբաթ օրը բարաաթը և գլխավոր ընդունելությունը տեղի ունեցան Չիպրիանիում, որը տևեց մինչև առավոտյան ժամը երկուսը։ Կիրակի օրը Slate ակումբում տեղի ունեցավ հրեական արարողություն և after party, որն ավարտվեց ժամը 4-ին: Երկուշաբթի օրը հյուրերին հյուրասիրեցին հրաժեշտի նախաճաշ և ճաշ, նախքան հյուրանոցներ վերադառնալը:
Արարողության մասնակիցները, ինչպես նաև պատահական անցորդները, կատարվածը համեմատում էին ֆիլմի նկարահանման հրապարակի հետ։ Ոմանք սոցիալական ցանցերում գրել են. «Սա անկասկած միլիարդատիրոջ հարսանիք է»։
Посмотреть эту публикацию в Instagram
Գրասենյակային հանդիպումներից մինչև աղմկոտ փողոցային շքերթներ, Բոստոնում մի զույգ ստեղծեց մի հարսանիք, որը Նյու Յորքը երկար ժամանակ կհիշի։ Եվ, դատելով առցանց ակնարկներից, Ուոլ Սթրիթը երբեք այսքան ուրախ չի պարել։