Ինչու՞ է վտանգավոր շոգ օրվանից հետո սառը ցնցուղ ընդնելը. բացատրում են գիտնականները
22:22 24 հունիսի, 2025Ամառային շոգի մեջ շատերը դիմում են սառը ցնցուղի օգնությանը, բայց, ինչպես պարզվում է, սա կարող է չլինի հովանալու ամենաապահով միջոցը։
The Conversation-ում հրապարակված ուսումնասիրության համաձայն՝ սառը ջրի մեջ ընկղմվելը կամ սառցե ցնցուղ ընդունելը այնքան չի նվազեցնում ձեր մարմնի ջերմաստիճանը, որքան թվում է։
«Չնայած սառը ցնցուղը կարող է հաճելիորեն ազդել ձեր մաշկի վրա, այն չի կատարում հիմնական գործառույթը՝ իջեցնել ձեր ներքին օրգանների ջերմաստիճանը», - բացատրում են գիտնականները։
Ի՞նչ է պատահում ձեր մարմնին սառը ջրով լողանալուց հետո
Երբ մարմինը հանկարծակի սառչում է, մաշկի մակերեսին մոտ գտնվող արյան անոթները նեղանում են, ինչը նվազեցնում է մաշկի արյան հոսքը։ Սա ստիպում է ձեր մարմնին պահպանել ջերմությունը կենսական օրգանների տարածքում։
Եթե ջուրը չափազանց սառն է, ձեր մարմինը կարող է ենթարկվել «սառը ցնցման», որի դեպքում ձեր արյան անոթները կտրուկ նեղանում են, արյան ճնշումը բարձրանում է, և ձեր սիրտը սկսում է աշխատել արագացված տեմպերով։ Սա հատկապես վտանգավոր է սրտանոթային հիվանդություններից տառապող մարդկանց համար։
Հազվադեպ դեպքերում, տաքից սառի կտրուկ անցումը կարող է առիթմիա առաջացնել, իսկ ամենավատ դեպքերում՝ մահացու ելք ունենալ։
Ինչպես հովանալ շոգի ժամանակ
Մի՛ մատնվեք խուճապի. զով, բայց ոչ սառը ցնցուղը կամ լոգանքը կարող են օգտակար լինել։ Գլխավորը ջրի չափազանց ցածր ջերմաստիճանից խուսափելն է։
Մասնագետները խորհուրդ են տալիս.
- Ավելի շատ ջուր խմել և խուսափել կոֆեինից և ալկոհոլից, քանի որ դրանք ջրազրկում են առաջացնում։
- Կրել թեթև և ազատ հագուստ՝ խուսափելով մուգ գույներից։
- Վարագույրներն ու շերտավարագույրները փակ պահել, որպեսզի շոգը տուն չներթափանցի։