Երաժշտության և պարի սիներգիա՝ Կարեն Դուրգարյանի և Ասատուր Քալաշյանի ղեկավարությամբ
20:45 25 հունիսի, 2025Հունիսի 17-ին Ա. Սպենդիարյանի անվան օպերային թատրոնի կամերային բեմը վերածվեց երաժշտության, պարի և բեմարվեստի հանդիպման վայրի։ «Կադանս» անսամբլը՝ Կարեն Դուրգարյանի ղեկավարությամբ և Ասատուր Քալաշյանի ռեժիսորական լուծումներով, հանդիսատեսին ներկայացավ նոր ձևաչափով, որը միավորում էր դասական երաժշտությունը, ժամանակակից պարն ու թատերական ներկայացման դրամատուրգիան։
Այս համերգը պարզապես կատարումների շարան չէր․ դա զգայական ու մտահորիզոնային ուղևորություն էր, որտեղ ամեն հնչյուն, շարժում և լռություն մտածված էին որպես ամբողջական պատմության մի մաս։
«Կադանս»-ը ոչ միայն հնչեց, այլ նաև շարժվեց, ապրեց ու պատմեց՝ հանդիսատեսին ներգրավելով մեկ գործողությամբ ստեղծված մի աշխարհ, որը վեր էր անցյալից, նորովի էր ներկայում ու խոստում ուներ ապագայի մասին։