Վերոնիկ Նիշանյանը Hermès-ի տղամարդուն հագցրել է մեծ քաղաքի հանգիստ ու շքեղ հագուստով
21:27 30 հունիսի, 2025Hermès-ի տղամարդկանց նոր գարուն/ամառ հավաքածուն Վերոնիկ Նիշանյանի ամենազգայական աշխատանքներից մեկն է՝ շեշտը դնելով հյուսվածքների և հպումների վրա, գրում է WWD-ն։
View this post on Instagram
Դիզայները ստեղծել է մեծ քաղաքների ամառների բազմազանության համար նախատեսված կերպարներ՝ շոգ, զով և անձրևոտ։ Շոգի համար հավաքածուն ներառում է կաշվե սանդալներ՝ հյուսված ժապավեններով, փափուկ ջերսի բաճկոններ՝ զով երեկոների համար, և կաշվե բլուզներ՝ անձրևի համար, այդ թվում՝ մեկը՝ հալեցրած կարագի երանգով։
Սիլուետները հանգիստ, ազատ և բազմաշերտ են։ Նիշանյանը առաջարկում է բաց գծավոր վերնաշապիկները կրել ցածր կտրվածքով մարզաշապիկների կամ սաֆարի բաճկոնների տակից։ Մետաքսե շանտունգ կոստյումներն ու թեթև բաճկոնները լրացնում են վառ և մեղմ երանգների շարֆերը և շալերը՝ խոտի կանաչից մինչև արծաթափայլ մոխրագույն։ Hermès-ի ֆիրմային մետաքսե գործվածքները «մշակված են մինչև վերջ». դրանք հայտնվում են ոչ միայն մոդելների պարանոցների վրա, այլև գունավոր ծալքավոր ներդիրների տեսքով՝ լակոնիկ անօձիք վերնաշապիկների վրա, որոնք համադրվում են բարձր գոտիով տաբատների հետ՝ ներկառուցված գոտիներով։
Դիզայները բարդացրել է կաշվե վերնաշապիկներն ու տաբատները՝ բացվածքով, որոնք գրեթե ժանյակի տեսք ունեն։ Մեծ ուշադրություն է դարձվում ծավալուն տրիկոտաժին. ծովային օձիքով շոկոլադե սվիտերը զարդարված է մեծ առաձգական ժապավենով, կարճ թևքերով պոլո՝ անհարթ կարերով, իսկ մեծ չափսի V-աձև սվիտերը առանձնանում է զիգզագաձև անցքերով։ Ընդհանուր ուղերձը թեթևությունն ու շարժվելու անխոչընդոտությունն է. կերպար այն տղամարդու համար, ով ապրում է քաղաքում, բայց երազում է գոնե երկար օրերով հանգստանալու մասին։ Դրա համար Hermès-ը պատրաստել է կատարյալ ճանապարհորդական աքսեսուարներ՝ կանվայից և հորթի կաշվից հյուսվածքային պայուսակներ, ընդարձակ հագուստի պայուսակներ՝ ծխախոտի կաշվից, և ճանապարհորդական պայուսակներ՝ ինքնաբուխ հանգստյան օրերի համար։