Էդգարդո Վերթանեսյանը, ով աշխատել է Մադոննաի, Թեյլոր Սվիֆթի հետ կաջակցի հայ երաժիշտներին  

Prima Classic ձայնագրման տնօրեն Էդգարդո Վերթանեսյանը, ով աշխատել է Մադոննաի, Թեյլոր Սվիֆթի, Ջեյ-Զիի հետ, սկսել է համագործակցել երիտասարդ հայ դասական երաժիշտների հետ:

«Էդգարդոյի ընտանիքը Արևմտյան Հայաստանից է։ Եվ երբ ես  նրան առաջարկեցի՝ օգնել հայ դասական երաժիշտներին, նա առանց հապաղելու համաձայնվեց» - պատմում է Primavera Foundation of Armenia-յի գլխավոր տնօրեն և համահիմնադիր Ելենա Յակովլևան։

Primavera Foundation of Armenia-ի և Prima Classic-ի համագործակցությունը շատ արագ ստացվեց. Էդգարդոն՝ Prima Classic ձայնագրման ընկերության տնօրենը, երբ իմացավ, որ ծրագիրը ուղղված է հայ դասական արտիսների միջազգային ճանաչմանը,միանգամից համաձայնվեց։

Արդեն աշխատանքներ տանելով երիտասարդ հայ դասական երաժիշտների հետ, Էդգարդոն շեշտեց՝ նրանք ունեն պոտենցյալ. նա գոհ է մեր երաժշտական կրթական հանակարգից։ Էդգարդոյի համար Հայաստանը նոր հորիզոններ է բացում. «Դուք հիանալի մարդիկ եք. ես ինձ այստեղ զգում եմ ինչպես տանը»։

Վերթանեսյանը, չնայած նրան, որ աշխատել է մի շարք աշխարհահռչակ փոփ աստղերի հետ, կարևորում է հենց դասական երաժշտությունը.«Փոփ երաժշտությունը գալիս է ու փոփ երաժշտությունը գնում է, իսկ մենք մինչև այժմ լսում ենք Շոպեն, Պագանինի. դասական մշակույթը մնայուն է»։ Այս է պատճառը,որ ծրագիրը ուղղված է դասական երաժիշտների բացահայտմանը ու հատկապես ձայնագրմանը. համերգներն անցողիկ են, մեզ պետք են մնայուն և սերունդներին փոխանցվող գործեր, որտեղ շեշտված է հայը,նրա մշակույթն ու ժողովուրդը։

Իսկ, թե ո՞ր հատկանիշն է կարևորվել կազմակերպիչների համար՝ ընտրելու բացառիկ հնարավորությունը ստացած երաժիշտներին Ելենա Յակովլևան պատասխանեց. «Բացի երաժշտությունից, որն արտիստն ուզում է կատարել,նա պիտի մեզ առաջարկի գաղափար. ինչպե՞ս է նա ուզում այդ երաժշտության և ստեղծագործությունների միջոցով ներկայացնել Հայաստանը գլոբալ լսարանին»։ Այստեղից արդեն միջազգային ժյուրին ընտրեց հինգ հաջողակների,ովքեր կունենան հնարավորություն ստեղծելու սեփական ձայնագրությունները, աշխատելու պրոդյուսերական կազմի հետ և կատարելու առաջին քայլերը՝ ներկայացնել Հայաստանը միջազգային հանրությանը։ Կարևոր է նշել, որ ծրագրի հայտը հասանելի էր բոլորին և միակ առանձնահատկությունը, բացի երաժշտական տաղանդից, Հայաստանում բնակվելն է, քանի որ արտերկրում սովորող և աշխատանքային գործունեություն ծավալող երիտասարդները ի սկզբանե ունեն այլ հնարավորություններ։

Առնո Բաբաջանյանի անվան համերգասրահը համագործակցության երրորդ կարևոր օղակն է դարձել.« Նախաձեռնությունները թե՛ շենքային են և թե՛ տեխնիկական»-այս մասին նշեց ՀՊ Ֆիլհարմոնիայի նախագծերի ղեկավար Մարինե Ալավերդյանը։

Prima Classic-ի գլխավոր նպատակը առաջին «իմպուլս» տալն է Հայաստանում բնակվող և դասական երաժշտությամբ զբաղվող երիտասարդներին։ Ըստ էության՝ նախագիծը լուծում է այն բոլոր խնդիրները, որոնք խոչընդոտում են երիտասարդ երաժիշտներին մեծ բեմերի հասնելուն ու իրենց ձայնը լսելի դարձնելուն,ինչպես  նաև հնարավորություն է տալիս անցնելու պրոդյուսերական դպրոցը. սա այն է, ինչը կրթական համակարգը ,ցավոք, չի կարող առաջարկել։ 

Prima Classic-ի մասնաճյուղերի բացում չի ակնկալվում, սակայն մրցույթի սիստեմատիկ անցկացում և առաջին քայլերը միասին կատարելու հնարավորություն կա։

Ծրագրի հանդեպ մեծ պատասխանատվությունն ու սերը, որոնք նկատելի են կազմակերպիչների պատասխաններում, հույս են ներշնչում թե՛ մասնակիցներին և թե՛ հայ լսարանին։