Նա ապրում է Երեւանի համար. գերմանուհի Շեւան Հայաստանի մայրաքաղաքին նվիրված տեսահոլովակ է թողարկել
15:11 3 օգոստոսի, 2025Հյուրընկալ Հայաստանն իր դռներն է բացել գերմանուհի երգչուհի Շևայի համար, ով առաջին անգամ երգելու է հայերեն՝ արտակարգ առոգանությամբ, վանկերի բացառիկ արտասանությամբ, բառերի նուրբ ելևէջներով ներկայացնով մաեստրո Ռոբերտ Ամիրխանյանի «Երևան» ստեղծագործությունը։
Շատ պետություններ այցելած գերմանուհին սիրո ու հարգանքի բացառիկ վերաբերմունք է տածում ջերմ Հայաստանում։ Ապրել և ստեղծագործել Հայաստանում՝ սա նրա երազանքներից մեկն է։
Երգչուհու մայրն է սերմանել սեր Հայաստանի հանդեպ, իսկ 20 տարեկանում արդեն նրանք որոշում են այցելել Հայաստան և բացահայտել ու զգալ հրաշք երկիրը։
Առաջին անգամ, ոչ մի բառ չիմանալով հայերեն, նա որոշում է կայացնում նույնիսկ տեսահոլովակ նկարահանել Երևանի մասին ու ասել երգով, որ նա « Ապրում է Երևանի համար»։
Նա քաջություն գտավ իրականություն դարձնելու Ռոբերտ Ամիրխանյանի «Երևան» երգի տեսահոլովակը։
Տեսահոլովակի նկարահանման և իրագործման համար իր մեծ ավանդն ու նվիրատվությունն ունի պարոն Ադամ Բարրոն, ում բազում ջանքերի և հետևողականության արդյունքում էլ ստեղծվեց այս նախագիծը։