«Labubu-ի դիզայներ» Մարկո Մոնրոն MTV VMA մրցանակաբաշխության կարմիր գորգին ներկայացրել է «Moonbubu»-ն
20:55 8 սեպտեմբերի, 2025Մարկո Մոնրոն, որը սոցիալական ցանցերում հայտնի է որպես «Լաբուբուի դիզայներ», կիրակի օրը MTV Video Music Awards-ի կարմիր գորգին հայտնված առաջին աստղերից մեկն էր՝ ներկայացնելով իր վերջին ստեղծագործությունը՝ «Moonbubu»-ն։
Անունը նվիրված է 1984 թվականից ի վեր շնորհվող Moonman-ի պաշտամունքային արձանին։ Մոնրոն ստեղծել է Լաբուբուն արծաթե տիեզերական կոստյումով և տիեզերական սաղավարտով՝ ոգեշնչված բնօրինակ Լուսնի մարդուց։ «Ո՞վ է այսօր երեկոյան տուն տանելու Moonbubu»-ն»,-գրել է դիզայները սոցիալական ցանցերում՝ կիսվելով իր ստեղծագործության խոշորացված լուսանկարներով։
Մոնրոն, որը House of Avalon-ի ստեղծագործողներից մեկն է, հայտնի է փոփ մշակույթից և հայտնիներից ոգեշնչված Լաբուբուի անհատական աշխատանքներ ստեղծելով։ Նա հավաքածուներ է ստեղծել Մարկ Ջեյքոբսի, Լեդի Գագայի և Լիզայի համար, իսկ նրա «Wednesday» Լաբուբու հավաքածուն վիրուսային տարածում է գտել օգոստոսին։
Լաբուուն առաջին անգամ հայտնվել է 2015 թվականի «Հրեշներ» գրքում և չորս տարի անց դարձել է հավաքորդական խաղալիք՝ չինական Pop Mart-ի շնորհիվ։ 2025 թվականին Labubu-ն դարձավ նորաձևության աքսեսուար, որը կարմիր գորգին կրեցին այնպիսի աստղեր, ինչպիսիք են Շերը, Դուա Լիպան և Ռիհաննան: Նույնիսկ Մադոննան նշեց իր 67-ամյակը Labubu տորթով։
«Labubu-ն դարձել է ավելին, քան պարզապես հավաքորդական խաղալիք. այն համարձակ անձնական ոճի արտահայտություն է»,-ասում է Էմիլի Բրաուն՝ Pop Mart-ի՝ Ամերիկայում լիցենզավորման ղեկավարը: