Գլեն Քլոուզը մերկացել է 78 տարեկանում՝ նոր դերի համար. «Ես ինձ այնքան լավ էի զգում»
15:50 19 սեպտեմբերի, 2025Լեգենդար դերասանուհի Գլեն Քլոուզը չի վախենում էկրանին փորձարկումներ անել, և 78 տարեկանում նա կրկին ապացուցել է դա: Ֆինլանդացի գրող Թովե Յանսոնի վեպի հիման վրա նկարահանված իր նոր՝ «The Summer Book (2024) ֆիլմում Քլոուզը խաղացել է տատիկի դերը, և այն տեսարանը, որտեղ նա միայնակ քայլում է անտառով՝ ամբողջովին մերկ, սենսացիա է առաջացրել:
«Դա իմ գաղափարն էր», - խոստովանել է Քլոուզը AARP Movies for Grownups-ին տված հարցազրույցում: «Ես մտածեցի. «Նա այդպես կաներ, երբ ոչ ոք կողքին չլինի»: Ֆինլանդիայում մերկությանն ավելի հանգիստ են վերաբերում, քան մեզ մոտ»:
Դերասանուհին հավելել է. «Ես չէի ուզում նորից հագնվել: Ես ինձ այնքան լավ էի զգում»:
Սա առաջին անգամը չէ, որ Քլոուզը սահմաններ է խախտում էկրանին: 2019 թվականին նա կրքոտ տեսարան խաղաց «Կինը» ֆիլմում: Այդ ժամանակ նա The Guardian-ին տված հարցազրույցում նշել էր. «Կա մի առասպել, որ տարիքի հետ կորցնում ես քո սեքսուալությունը։ Ես ինձ զգում եմ ազատ, ստեղծագործ և սեքսուալ, ինչպես միշտ»։
Գլեն Քլոուզն արդեն պատրաստվում է իր հաջորդ խոշոր նախագծին. նոյեմբերին նա կհայտնվի աստղային « Wake Up Dead Man: A Knives Out Mystery» դետեկտիվ վեպում։ Ֆիլմի դերասանական կազմում են Դենիել Քրեյգը, Ջոշ Օ'Քոնորը, Ջոշ Բրոլինը, Միլա Կունիսը, Ջերեմի Ռենները և ուրիշներ։