Ինչպե՞ս թարմացնել անձնական հարաբերությունները
22:06 3 մարտի, 2014Սիրահար զույգերի անձնական հարաբերությունները երբեմն «լիցքաթափման» կարիք են ունենում։ Հարաբերություններում կուտակված խնդիրները չեն թողնում հանգիստ ապրել, քնել, խաթարում են հոգեկան եւ ֆիզիկական առողջությունը։ Կանայք ու տղամարդիկ տարբեր պատճառներով են անհանգստանում։
Անհանգստության զգացումն անդրադառնում է հոգեկան առողջության վրա, թուլացնում հիշողությունը, նվազեցնում ուշադրությունը։ Իր առջեւ միաժամանակ մի քանի նպատակ դնելով՝ կինը գիտակցաբար քայքայում է առողջությունը։
Զգայական վերելքի ընթացքում նրան հաջողվում է այս առաջադրանքներից գլուխ հանել, բայց հետո հոգեկան եւ ֆիզիկական անկում է նկատվում, ինչի պատճառով էլ կրկին անհանգստություն է առաջանում։ Հետազոտությունները ցույց են տվել, որ անհանգստության գագաթնակետին հասնում են դաշտանային ցիկլի ընթացքում, երբ բարձրանում է էստրոգենի մակարդակը։ Նախքան ձեզ վրա բազմաթիվ պարտականություններ կուտակելը, կինը պետք է դադար վերցնի եւ մտածի, արդյո՞ք կարող է կատարել ծրագրածը։
Կենցաղում անկարգությունն ազդում է կնոջ հոգեվիճակի վրա։ Ապացուցված է, որ կեղտոտ ամանեղենի, սպիտակեղենի, թափթփված բնակարանի առկայության դեպքում սթրեսի հորմոնի մակարդակն ավելանում է։
Բնակարանի կանոնավոր մաքրությունն օգնում է հոգեկան խնդիրների լուծմանը, քանի որ այն օգնում է շեղվել լարված մտքերից։ Մաքրություն հաստատելը կարելի է ընդունել ոչ թե որպես աշխատասիրություն, այլ որպես գործողություն, որը թույլ է տալիս թուլացնել նյարդային համակարգն ու նվազեցնել սթրեսը։
Խնդիրներն աչքաթող անելու կարողությունը խաղաղ կյանքի եւ ամուր առողջության գրավականն է։ Ինչպես վեպի հերոսուհին, ով դժվարին պահերին ինքն իրեն ասում էր․ «Այդ մասին ես վաղը կմտածեմ»։ Եվ, հնարավոր է, վաղը ձեր խնդիրն այնքան փոքր թվա, այնքան անարժեք, որ հասկանաք. այն չարժե ո՛չ ձեր ուշադրությանը, եւ ո՛չ էլ ուժերը վատնելուն։
Նյութը՝ mimiton.ru կայքի