Երաժշտություն, որն ապրում է. New Generation-ը կենդանացրեց Բաբաջանյանի հնչյունները
16:04 28 սեպտեմբերի, 2025Սեպտեմբերի 27-ին «Արամ Խաչատրյան» համերգասրահը նորից լցվեց հզոր ու կենսատու երաժշտությամբ․ «Առնո Բաբաջանյան – Երաժշտություն, որն ապրում է» համերգը դարձավ տոն՝ նվիրված կոմպոզիտորի հանճարեղ ժառանգությանը։
Միջոցառումը կազմակերպել էր New Generation Project-ի նախաձեռնությունը՝ միավորելով սերունդներ, արվեստ և ժամանակակից մեկնաբանություններ։ Բաբաջանյանի ստեղծագործությունները հնչեցին Հանրային ռադիոյի էստրադային սիմֆոնիկ նվագախմբի կատարմամբ (գեղարվեստական ղեկավար՝ Երվանդ Երզնկյան)՝ նոր շունչ ստանալով։
Բեմում էին Սոնա Ռուբենյանը, Սյուզաննա Մելքոնյանը, Տիգրան Կարապետյանը, Տիգրան Քախվեջյանը և Արթուր Աղաջանովը։ Յուրաքանչյուրը յուրովի վերապրեց Բաբաջանյանի երաժշտությունը՝ հուզիչ և ազնիվ կատարումներով։
New Generation Project-ը կրկին ապացուցեց՝ բարձրակարգ մշակութային միջոցառումը կարող է լինել ժամանակակից, հասանելի և հոգեհարազատ։ Բաբաջանյանը ոչ միայն հնչեց, այլև ապրեց այդ երեկո՝ դահլիճի ամեն մի անկյունում։