Հայկական ոճ․ ինչպես է ձևավորվում տպավորությունը

Ոճը սովորաբար ժեստերի, համամասնությունների և ինտոնացիաների համակարգ է։ Մեր նոր թողարկման մեջ դիտարկում ենք չորս արտահայտիչ կերպարներ, որտեղ յուրաքանչյուր մանրուք ծառայում է բնավորությանը, իսկ համադրությունները կարդացվում են որպես տեսողական պատմություն։ Քաղաքային «կովբոյական» ծածկագիրից մինչև խիստ մինիմալիզմ՝ մեր հերոսուհիների լուծումները ցույց են տալիս․ անհատականությունն է ձևում ոճը, ոչ թե հակառակը։

Քաղաքային «կովբոյական» ծածկագիր

Եվա Զորաբյանը միավորում է վայրի արևմուտքի aesthetics-ը ժամանակակից urban ոճի հետ։ Խորը շագանակագույն H&M կովբոյական ճտքավորները, վանդակավոր մինի շրջազգեստը և շագանակագույն կաշվե բաճկոնը ստեղծում են կերպար, որտեղ նյութականությունները խոսում են իրար հետ․ կաշի, վանդակ, ծղոտանման մակերեսներ՝ նույն գունապալիտրայի երեք ընկալում։

Bottega Veneta-ի պայուսակը տալիս է պրեմիում շեշտադրում՝ կերպարը տեղափոխելով իտալական street-chic դաշտ։ 

Շեշտը՝ սիլուետի ու մասշտաբի խաղի վրա

Լիզա Կարախանյանը վարպետորեն է աշխատում համամասնությունների հետ։ Zara-ի թավշյա բարձրաճիտքները ձևում են փափուկ ուղղահայաց գիծ, mini cargo շրջազգեստը հաղորդում է երիտասարդական street-energy, իսկ oversize սև պիջակը տալիս է ճարտարապետական վերնամաս․ ստացվում է թարմ ու ժամանակակից կոմպոզիցիա։

Longchamp Le Pliage մինի-պայուսակը փոքր, բայց չափազանց ընդգծված շեշտադրում է՝ հավասարակշռելով ամբողջ սիլուետի մասշտաբը։

Թեթևացած բոհո՝ քաղաքային ռիթմով

Մերի Երեմյանը ընտրում է հազվադեպ հանդիպող համադրություն․ Zara-ի հուդին, Zara-ի բոհո տաբատները և շագանակագույն սվինդյական լոֆեր-փեննիները։ Սա relaxed chic է, որը հեշտությամբ կարելի է «կորցնել» տեսողական աղմուկի մեջ, սակայն նրան հաջողվում է դարձնել այն արտահայտիչ։ Saint Laurent-ի արևային ակնոցները կառուցվածք են հաղորդում՝ հավասարակշռելով ազատ ձևերը։

Բոհո գունապալիտրա, փափուկ կտրվածք, բնական երանգներ և հուդիի սպորտային շեշտը միավորվում են ամբողջական կերպարի մեջ, որը կարդացվում է որպես ազատություն՝ առանց անփութության, հարմարավետություն՝ առանց պարզունակության։

Քանդակային էլեգանտություն total balck-ով

Իրմա Օգանովան գործում է power minimalism aesthetics-ի շրջանակում։ Total black-ը կառուցված է Lusio կոստյումի ճարտարապետական ձևավորման և ձիավարական ոճի ուղիղ, վստահ գծով երկարաճիտքների վրա։ Սև ուղղահայացը ձգում է սիլուետը՝ ընդգծելով ձևի մաքրությունն ու ճշգրտությունը։ Ոսկին՝ Jil Sander ականջօղերն ու մատանին, դառնում է ոչ թե պարզապես զարդ, այլ կերպարի գաղափարական առանցք։

Դրանց զանգվածայնությունը ուժեղացնում է total black-ի կառուցվածքը՝ մինիմալիզմը վերածելով ոչ միայն խիստ, այլև էլեգանտ ու արտահայտիչ լուծման։ Իրման ինքնավստահ է կրում այս կերպարը․ այն աշխատում է նրա դիմագծերի, բնավորության և շնորհալի ներկայության հետ։