«Սեր ջան»․ Սոֆի Մխեյանը նոր տեսահոլովակ է ներկայացրել
15:30 22 նոյեմբերի, 2025Սոֆի Մխեյանը վերջին շրջանում բավական ակտիվ է։ Նա արդեն երկրորդ տեսահոլովակն է ներկայացնում մեկ ամսվա ընթացքում։ Երգչուհու նոր երգը կոչվում է «Սեր ջան»։ Երաժշտության հեղինակը Վարդան Գալստյանն է, խոսքերը գրել է Հարութ Թիզյանը։ Երգի գործիքավորումը կատարել է Վահրամ Յանիկյանը։
Զգացմունքային երգն ունի հետաքրքիր տեսահոլովակ, որում Սոֆին բայքերական կերպարով է՝ թաց էֆեկտով սանրված մազերով, կաշվե բաճկոնով՝ զարդարված մետաղական քարերով, և կիպ տաբատով ու մինչև ծնկները հասնող բարձրակրունկ կոշիկներով։
Սոֆին ոչ միայն կեցվածք է ընդունում մոտոցիկլետի վրա, այլև երթևեկում է դրանով։
Տեսահոլովակի ռեժիսորը Տիգրան Ավետիսյանն է։