«Միսս Մեքսիկա» Ֆատիմա Բոշի հրապարակումը՝ «Միսս Տիեզերք» մրցույթում իր հաղթանակի շուրջ ծագած հակասությունների ֆոնին
10:19 23 նոյեմբերի, 2025Ֆատիմա Բոշը պատվով է կրում «Միսս Տիեզերք»-ի տիտղոսը՝ չնայած մրցույթում իր հաղթանակից հետո առաջացած հակասություններին, գրում է People-ը։
«Միսս Տիեզերք 2025» մրցույթում թագը նվաճելուց հետո սոցիալական ցանցերում իր առաջին հայտարարության մեջ 25-ամյա գեղեցկուհին, որը մրցույթին մասնակցել էր որպես «Միսս Մեքսիկա», նշել է, որ իր հավատքի շնորհիվ է իրականացրել իր ամենահամարձակ երազանքները։
«Այսօր ես վերահաստատեցի, որ այն, ինչ Աստված է նախատեսել քեզ համար, ո՛չ նախանձը կարող է կասեցնել, ո՛չ ճակատագիրը, ո՛չ էլ բախտը»,-գրել է նա իր Instagram-ում։
Посмотреть эту публикацию в Instagram
Բոշը, որը լուսանկարների շարք է հրապարակել գրառմանը կից, ավելացրել է. «Կեցցե՛ Քրիստոս Արքան»։
Նրա հրապարակումը սկսվում է իր իսկ լուսանկարով՝ մեծ հաղթանակից մի քանի րոպե անց․ նա ժպտում է՝ կրելով իր թագը և «Միսս Տիեզերք»-ի ժապավենը։
Մեկ այլ լուսանկարում Բոշը շրջապատված է մրցույթի եզրափակիչ փուլի մասնակիցներով, իսկ առաստաղից կոնֆետի է ընկնում նրանց վրա, իսկ մեկ այլ լուսանկարում նա ձեռքով է անում ամբոխին և քայլում է բեմահարթակի վրայով՝ որպես հաղթող։
Սակայն Բոշի ճանապարհը դեպի «Միսս Տիեզերք» հեշտ չի եղել։ Թագադրման պահից ընդամենը մի քանի շաբաթ առաջ նա վիրուսային դարձավ, երբ նոյեմբերի 4-ին ոտքի կանգնեց և դուրս եկավ «Միսս Տիեզերք»-ի շրջանակում ընթացող միջոցառումից, որը ուղիղ հեռարձակվում էր Facebook-ով, այն բանից հետո, երբ մրցույթի գործադիր տնօրեն Նավատ Իցարագրիսիլը նրան քննադատեց սոցիալական ցանցերում «ընդունող երկիրը»՝ Թաիլանդը, իբր չգովազդելու համար։
Երբ Ֆաթիման փորձեց հերքել մեղադրանքները, տնօրենը նրան ամբողջ դահլիճի առջև անվանեց «հիմա»։
Բոշը ոտքի կանգնեց, և երբ Իցարագրիսիլը հարցրեց, թե ինչու, նա պատասխանեց. «Որովհետև ես ձայն ունեմ։ Դուք չեք հարգում ինձ որպես կին»։
Դրանից հետո մի քանի այլ մասնակիցներ ևս ոտքի կանգնեցին և դուրս եկան «Միսս Մեքսիկա»-ի հետ՝ ի աջակցություն նրան։