Ֆրանսիացի ջութակահարուհի Էսթեր Աբրամին BAFTA-ի կարմիր գորգով քայլել է հայկական Armine Ohanyan ապրանքանիշի արծաթե զգեստով
14:30 26 նոյեմբերի, 2025Ֆրանսիացի ջութակահարուհի Էսթեր Աբրամին, որը դասական երաժշտության լեզուն վերաիմաստավորող և թվային սերնդին մոտեցնող ամենաակնառու երիտասարդ կատարողներից մեկն է, BAFTA արարողությանը ներկայացել է հայկական Armine Ohanyan ապրանքանիշի հագուստով։ Նա հայտնի է եվրոպական առաջատար վայրերում իր համերգներով, համարձակ համագործակցություններով և դասական հնչողությունը ժամանակակից տեսողականի հետ համատեղելու իր ունակությամբ։
Աբրամին վաղուց հայտնի է դասական ջութակահարի կերպարը վերաիմաստավորելով՝ փոխանցելով արտիստի վառ, ճկուն և անկախ կերպարը։ Արարողության համար նա ընտրել էր մի քանի հայելային վահանակներից կազմված զգեստ, որը ստեղծում է շարժվող մետաղական խճանկարի տպավորություն։ Թափանցիկ հիմքը, բաց մեջքը, մաքուր երկրաչափական գծերը և պարզ ուրվագիծը ստեղծում են մի կերպար, որը միաժամանակ ավանգարդ է և նրբագեղ։
Ապրանքանիշը մեկնաբանել է ջութակահարի կերպարը՝ նշելով, որ «ոգեշնչող, ազատ, գեղեցիկ և տաղանդավոր կանանց հագցնելը հաճույք է և պատիվ»։