Բարաք և Միշել Օբամաները հազվագյուտ ընտանեկան լուսանկար են հրապարակել Շնորհակալության օրվա առթիվ

Բարաք Օբաման կնոջ՝ Միշելի հետ համատեղ հրապարակում է արել Ինստագրամում։

Լուսանկարում նախկին նախագահը կանգնած է Միշելի կողքին, նրանց են միացել նաև երկու դուստրերը՝ 27-ամյա Մալիան և 24-ամյա Սաշան։

«Այս նվիրատվության շրջանում եկեք անենք ամեն ինչ, որպեսզի վերադարձնենք այն համայնքներին, որոնք մեզ այդքան շատ բան են տվել», - գրել են նրանք լուսանկարի մակագրության մեջ։ «Մեր ընտանիքից մինչև ձերը, մաղթում ենք ձեզ հրաշալի Շնորհակալության օր»։

Անցյալ ամիս Բարաքը և Միշելը նշեցին իրենց ամուսնության 33-ամյակը, ինչի առթիվ սոցիալական ցանցերում սրտառուչ գրառումներ արեցին։

«Մենք երկար ճանապարհ ենք անցել այս 33 տարիների ընթացքում, և ես քեզ այսօր ավելի շատ եմ սիրում, քան մեր հարսանիքի օրը»,-գրել էր Միշելը՝ հրապարակելով պաշտոնական արարողության ժամանակ ժպտացող լուսանկար։

«Շնորհավոր տարեդարձ, @BarackObama: Ես շատ բախտավոր եմ, որ կյանքի միջով անցնում եմ քեզ հետ»,-հավելել էր նա։

Իր գրառման մեջ Բարաքը օգտագործել է նույն լուսանկարը և այն մակագրել. «Իմ կայացրած լավագույն որոշումը քեզ հետ ամուսնանալն էր։ 33 տարի շարունակ ես հիացել եմ քո ուժով, նրբագեղությամբ և նպատակասլացությամբ, և թե որքան գեղեցիկ ես դու այդ ամենը անում»,-գրել էր նա։