«Համբուրիր ինձ. Ամուր գրկիր». Շերոն Օսբորնը բացահայտել է Օզիի վերջին խոսքերը  

Շերոն Օսբորնը առաջին անգամ ներկայացրել է իր ամուսնու՝ լեգենդար Black Sabbath խմբի առաջատար Օզի Օսբորնի մահվան սրտաճմլիկ մանրամասները: Uncensored  շոուի համար Պիրս Մորգանի հետ անկեղծ հարցազրույցում 73-ամյա այրին բացահայտել է, որ մահից առաջ Օզին իրեն ասել է. «Համբուրիր ինձ. Ամուր գրկիր»:

Օզզին մահացել է հուլիսի 22-ին Բաքինգհեմշիրի իր տանը՝ սրտի անբավարարությունից, Բիրմինգհեմի «Վիլլա Պարկ» մարզադաշտում իր հրաժեշտի համերգից ընդամենը երկու շաբաթ անց։

Շարոնը հիշում է, որ այդ ճակատագրական օրը նա արթնացել է առավոտյան ժամը չորսի սահմաններում, և 20 րոպեի ընթացքում նա այլևս չկար։ Չնայած իր վատթարացող առողջությանը և նախկինում թոքաբորբի և սեպսիսի նոպաներին, երաժիշտը որոշել է գնալ իր տնային մարզասրահ, որտեղ սովորաբար մարզվում էր մինչև մեկուկես ժամ։

Լսելով ճիչեր՝ Շարոնը վազել է ներքև։ Այնտեղ նա տեսել է ամուսնուն, որին արդեն բուժօգնություն էին ցուցաբերում փրկարարները։ «Նա սրտի կաթված էր ստացել։ Ես անմիջապես հասկացա, որ նա այլևս չկա։ Նրանք փորձեցին, հետո փորձեցին կրկին ու կրկին... Հետո նրան ուղղաթիռով տեղափոխեցին հիվանդանոց, բայց ես պարզապես կրկնում էի. «Նա այլևս չկա։ Թողեք նրան», - պատմել է կինը։

Մարզասրահ իջնելուց առաջ Օզզին գիշերը մի քանի անգամ արթնացել էր, և մոտավորապես ժամը 4:30-ին նա արթնացրել էր Շարոնին։ «Նա ասաց. «Համբուրիր ինձ. Ամուր գրկիր ինձ», - հիշում է նա։

Հարցազրույցում Շերոնը նաև խոստովանել է, որ Օզին գիտեր, որ իր վախճանը մոտ է։ Բժիշկները զգուշացրել էին, որ եթե նա վերջին անգամ ելույթ ունենա բեմում, կարող է չապրի։ Սակայն արտիստը պնդեց, և համերգը միևնույն է կայացավ։

Ապագայի մասին խոսելով՝ Շերոնը արցունքն աչքերին ընդգծել է, որ այլևս երբեք չի ամուսնանա. «Ահա և վերջ։ Այլևս ոչ»։