2025 թ-ի «ամենամեծ չաղ» հայկական հարսանիքները
12:08 31 դեկտեմբերի, 20252025 թվականը հայկական շոուբիզնեսի և բիզնես էլիտայի կյանքում նշանավորվեց ոչ միայն աղմկոտ իրադարձություններով, այլև աննախադեպ շքեղ հարսանիքներով։ Տարվա ընթացքում տեղի ունեցան տոնակատարություններ, որոնք ուշադրություն գրավեցին իրենց մասշտաբներով, աշխարհագրությամբ, հրավիրված աստղերով և կազմակերպման բացառիկ մակարդակով։ Ֆրանսիական Ռիվիերայից մինչև Իսպանիայի Մարբելյա և Երևանի գլխավոր համերգասրահ՝ այս հարսանիքները դարձան ոչ միայն ընտանեկան կարևոր պահեր, այլև հանրային լայն քննարկման թեմա։
NEWS.am STYLE-ը ներկայացնում է 2025 թվականի «ամենամեծ չաղ» հայկական հարսանիքները, որոնք երկար ժամանակ կմնան հիշողության մեջ։
Շինարարական կայսրության ժառանգորդ Շագոր Ստեփանյանի և մոդել Մարիա Մազանովայի երկրորդ հարսանիքը
Շինարարական կայսրության ժառանգորդ Շագոր Ստեփանյանը հունիսին ամուսնացավ մոդել Մարիա Մազանովայի հետ։
37-ամյա Շագորը շինարարական մագնատ և «Երևան Պլազա» առևտրի կենտրոնի համասեփականատեր Գենադի Ստեփանյանի որդին է։ Նրա հարսնացուն՝ Մարիա Մազանովան, 18 տարեկան է։
Շագորն ու Մարիան իրենց միությունը կնքել էին նաև անցյալ տարի:
Նրանք պսակադրվել էին հայկական եկեղեցում, որից հետո շարունակել տոնել Երևանի ռեստորաններից մեկում։
Այս տսրի զույգը կազմակերպեց նոր տոնակատարություն, որին հրավիրված էին մեծ թվով հյուրեր։
Հարսանիքը նշվել է Ռոտշիլդների առանձնատանը՝ Կապ Ֆերրայում, Ֆրանսիական Ռիվիերայում։ Հյուրերին զվարճացրել են Թիմաթին և Գրիգորի Լեպսը։ Հարսնացուն երեկոյան ցուցադրել է երկու հարսանեկան կերպար. նախ նա հյուրերի առջև ներկայացել է դասական սպիտակ զգեստով՝ լայն կիսաշրջազգեստով, ապա փոխվել է ավելի հարմարավետ տարբերակի։
Ռուսական Առաջին ալիքի և TNT-ի աստղ, հայտնի հաղորդավարուհի Քրիստինա Լևիևայի հարսանիքը գործարար Արթուր Աբալյանի հետ
Ամռանը կայացավ նաև ռուսական Առաջին ալիքի և TNT-ի աստղ, հայտնի հաղորդավարուհի Քրիստինա Լևիևայի հարսանիքը գործարար Արթուր Աբալյանի հետ։ Տոնակատարությունը տեղի ունեցավ հունիսի 21-ին՝ Իսպանիայի գեղատեսիլ Մարբելյա քաղաքում և դարձավ ամենաքննարկվող հասարակական իրադարձություններից մեկը։
Հարսանիքը շքեղ էր և հուզիչ։ Ամեն ինչ մտածված էր մինչև ամենափոքր մանրուքը՝ նորապսակների կարգավիճակն ու նուրբ ճաշակը ընդգծելու համար։ Արարողությունը տեղի է ունեցել կանաչապատման միջավայրում՝ արմավենիների ֆոնին։
Հատկանշական է, որ հարսանեկան արարողությունը վարել է Քրիստինայի ավագ գործընկերը՝ լրագրող Վլադիմիր Պոզները, որը հանդես է եկել որպես երդումների վարպետ։ Նա նորապսակներին դիմել է անգլերենով՝ հարցնելով, թե արդյոք նրանք պատրաստ են կապել իրենց ճակատագրերը, ապա առաջարկել է մատանիներ փոխանակել։ Հայտնի լրագրողը ընդգծել է պահի նշանակությունը և նորապսակներին մաղթել երջանկություն և փոխըմբռնում։
Ռոման Բադալյանի հարսանիքը՝ Կարեն Դեմիրճյանի անվան մարզահամերգային համալիրում
Սակայն տարվա ամենաքննարկվող հարսանիքը, թերևս, մնաց «Վիվարոյի» սեփականատեր Վիգեն Բադալյանի եղբոր՝ Վահե Բադալյանի որդու՝ Ռոման Բադալյանի հարսանիքը: Այն կայացավ Կարեն Դեմիրճյանի անվան մարզահամերգային համալիրում՝ ընդհրկելով հայ և համաշխարհային հայտնիության հյուրերի: Տեղի և ռուսական շոուբիզնեսի ամենապահանջված աստղերից զատ՝ ելույթ ունեցավ նաև աշխարհահռչակ աստղ Նիկոլ Շերզինգերը:
Երգչուհին հատուկ նորապսակների համար խոսք հնչեցրեց՝ մաղթելով նրանց երջանկություն և ամուր սեր: