Zuhair Murad Pre-Fall 2026․ Փարիզի՝ Արծաթե դարաշրջանի նրբագեղությունն ու հզորությունը
22:16 13 հունվարի, 2026Pre-fall 2026-ի համար Zuhair Murad-ը դիմել է 20-րդ դարի սկզբի Փարիզին՝ «Արծաթե դարաշրջանին», Առաջին համաշխարհային պատերազմից կարճ ժամանակ առաջ, երբ կանայք ձեռք էին բերում անկախություն, սոցիալական իշխանություն և շարժման ազատություն։
Ձմեռային այգիներից և փարիզուհիների զբոսանքներից ոգեշնչված՝ դիզայները ստեղծել է ռոմանտիկ պրինտեր՝ մեղմացնելով իրեն բնորոշ համարձակ ծաղկային մոտիվները։ Հավաքածուի կենտրոնական թեման տղամարդկության և կանացիության փոխազդեցությունն է. ուրվագիծը կառուցող կորսետները հանդիպում էին թեթև կիսաշրջազգեստների և տաբատների հետ՝ ստեղծելով հավասարակշռություն ձևի և շարժման միջև։
Գոտկատեղը ընդգծվում էր, կամ, ինչպես ինքը՝ Մուրադն էր ասում, «բռնվում»՝ միաժամանակ պահպանելով հոսունությունն ու հարմարավետությունը։ Նույնիսկ կաֆտանները նրբագեղ ձև էին ստացել՝ կենտրոնում նուրբ կորով, ստեղծելով ավազի ժամացույցի ուրվագիծ։
Հավաքածուն համադրում էր կտրուկ կարված զգեստները մեղմ, ռոմանտիկ ձևերի հետ՝ թավշյա, ժանյակավոր, ատլասե և շիֆոնե դրամատիկ երեկոյան և պարահանդեսային զգեստներ՝ նուրբ վարդագույնի, շագանակագույնի, սևի, բորդոյի, կանաչի և նորաձև աբսենթ կանաչի երանգներով։
Դիզայները ուլունքներն ու փայլերը խնայողաբար էր օգտագործում՝ փայլը պահելով բարձր օձիքներով և արտահայտիչ ուսերով աչքի ընկնող կոստյումների և բաճկոնների համար։
Աքսեսուարները շարունակեցին նույն շեշտադրումը. աչքի ընկնող ականջօղեր, վզնոցներ և մատանիներ, ինչպես նաև հանրաճանաչ ոճերի մինի ատլասե պայուսակներ։