Կյանքը կնամոլի հետ. պե՞տք է, արդյոք, կնոջը համաձայնել այդպիսի հարաբերությունների

Կնամոլը, ինչպես ասում են, ախտորոշում է։ Հնարավոր է՝ այդ ախտորոշմանը դատապարտված է մոլորակի տղամարդկանց մեծ մասը։ Իհարկե, տարբեր անհատների այդ մոլուցքի մակարդակը «կանանց» սանդղակով տարբեր է լինում։

Կնամոլ են անվանում այն տղամարդկանց, ովքեր շատ են սիրում կանանց եւ չեն կարողանում նրանց հետ չկիսել իրենց սերը։ Միաժամանակ, երբ կնամոլները հետաքրքիր են ապրում, նրանց երկրորդ կեսին չես կարող նախանձել։

Կնամոլները կարող են ամուսնանալ մեկ անգամ, ընդհանրապես չամուսնանալ, կամ էլ ամուսնանալ իր յուրաքանչյուր սիրելիի հետ։ Նրանք գիտեն ինչպես վերաբերվել կանանց, գիտեն, թե իրենց ինչ է պետք:

Թեեւ հիմա շատ կնամոլներ նախընտրում են մեկ կին ունենալ, այսպես ասած՝ այն միակին, ով իր համար վստահելի է եւ վարպետորեն փոխում է իր վերաբերմունքը՝ կախված ամուսնու կյանքի ժամանակաշրջանից։

Եթե դուք հիմա հարաբերություններ ունեք կնամոլի հետ եւ մտածում եք ձեր կյանքը նրա հետ կապել, պետք է հասկանաք, թե ինչի եք համաձայնում։

Կյանքի ամենաանհանգիստ ու նյարդային ժամանակահատվածը կնամոլի հետ համարվում է այն շրջանը, երբ նա տարվում է նոր կնոջով եւ դուրս է գալիս «տան ուղեծրից»։ Այստեղ պետք է կարողանալ հմտորեն շահարկել իրավիճակը, որպեսզի նա, ամեն դեպքում, վերադառնա։

Հոգեբանական տեսանկյունից կնամոլի կնոջ համար դյուրին չէ դիմանալ մտերիմ մարդկանց ճնշումներին, ովքեր հաճախ տեղյակ են նրա ամուսնու քայլերից եւ առիթը բաց չեն թողնում իրենց կարծիքն արտահայտելու այդ կապակցությամբ՝ խառնվելով նրանց հարաբերություններին։

Այստեղ պետք է ոչ միայն ձեր հասցեին ասվածն անուշադրության մատնել, այլեւ շրջապատից հեռացնել խղճացողներին։ Կնամոլների կանայք փորձից գիտեն, որ եթե ուզում են իրենց ամուսնու կողքին լինել, ապա չպետք է նրանց վզկապ հագցնեն, քանի որ եթե «կանանց գնահատողը» բավականաչափ ազատություն չի զգում, կտրում է այդ վզկապը, իսկ այդ նրա կնոջ ծրագրերի մեջ չի մտնում։

Նյութը՝ infowoman.com.ua-ի