Netflix-ը պատրաստում է ևս մեկ սերիալ «արգելված սիրո» մասին. սյուժեն կենտրոնանում է Արիստոտելի և Ալեքսանդր Մակեդոնացու վրա
14:16 11 մարտի, 2026Անհավանականորեն հայտնի «Թեժ մրցակցություն» և հիթային «Օզարկ» ֆիլմերի ստեղծողները միավորվում են Netflix-ի նոր պատմական դրամայի՝ «Ալեքսանդր»ի շուրջ, որը հիմնված է Աննաբել Լայոնի՝ 2010 թվականի «Ոսկե միջին» գրքի վրա։ Շոուն խոստանում է պալատական ինտրիգներ, արգելված սեր, դաժան պատերազմներ և անողոք ամբիցիաներ, որոնք փոխում են պատմության ընթացքը։
Նախագծում նկարահանվել են դերասան, ռեժիսոր և սցենարիստ Ջեյքոբ Թիրնին, ով օգնել է ստեղծել «Թեժ մրցակցությունը», և դերասան և ռեժիսոր Ջեյսոն Բեյթմանը, ով հայտնի է «Օզարկ» ֆիլմում Մարտի Բիրդի դերով։ Բեյթմանը նաև մի քանի սերիայում հանդես կգա՝ որպես ռեժիսոր և պրոդյուսեր՝ խոստանալով ուսումնասիրել հին պատմության մութ և անձնական կողմերը։
«Ես սիրահարվել եմ Աննաբել Լայոնի գրքին շատ տարիներ առաջ և այդ ժամանակվանից երազում եմ պատմել այս պատմությունը»,- ասել է Ջեյքոբ Թիրնին։ Սյուժեն պտտվում է Արիստոտելի և երիտասարդ Ալեքսանդրի շուրջ, որոնց անսպասելի բարեկամությունը ձևավորում է կայսրություն՝ քաղաքական ինտրիգների, արյունալի մարտերի և արգելված կրքի ֆոնին։
Իսկ «Թեժ մրցակցություն» սերիալի երկրպագուները կարող են ուրախանալ. համասեռամոլ հոկեյիստների մասին պատմող սերիալը կվերադառնա երկրորդ եթերաշրջանով, որի նկարահանումները կսկսվեն օգոստոսին, իսկ թողարկումը նախատեսվում է 2027 թվականի ապրիլին։