Խռմփոցը կարող է հանգեցնել ամուսնալուծության

Այն, ինչը շատերը համարում են պարզապես թեթև կատակների և ընտանեկան մանր վեճերի աղբյուր, իրականում կարող է կործանարար լինել ամուսնության համար: Նոր ուսումնասիրությունը պարզել է, որ խռմփոցը պատասխանատու է ամուսնալուծությունների գրեթե կեսի համար։

2000 ամուսնալուծված բրիտանացիների շրջանում անցկացված հարցումը ցույց է տվել, որ հարցվածների 47%-ը կարծում է, որ իրենց զուգընկերոջ խռմփոցը բաժանման գործոն է եղել: Այս դեպքերը ներառում էին նաև ավելի լուրջ քնի խանգարումներ, ինչպիսիք են քնի ապնոէն, որի դեպքում շնչառությունը ժամանակավորապես կանգ է առնում, սրելով հարաբերություններում լարվածությունը։

Խռմփոց կամ քնի խանգարումներ ունեցողների երեք քառորդը քնում էր առանձին սենյակում, և նրանց 85%-ը խոստովանել է, որ դա «անմիջականորեն ազդել է» իրենց ամուսնալուծության վրա: Հարցվածների կեսը նշել է, որ այս սովորությունը «չափազանց անցանկալի» է նոր հարաբերություններում։

32Co և Aerox Health ընկերությունների դոկտոր Սոնյա Շամոցկին, որը անցկացրել է ուսումնասիրությունը, ընդգծել է, որ խռմփոցը ծիծաղելի չէ. այն «խաթարում է հարաբերությունների հիմքը»։

Շատ զույգերի համար առանձին ննջասենյակներ տեղափոխվելը խորը հուզական պառակտման սկիզբ է դնում, որը շարունակվում է նույնիսկ լուսաբացից հետո: Ծանոթ «բարձի տակ խոսելու» և ինքնաբուխ ֆիզիկական մտերմության բացակայությունը զրկում է հարաբերությունները կենսականորեն կարևոր հենարաններից։

Բժիշկ Շամոցկիի խոսքով՝ ողբերգությունն այն է, որ այս խնդիրներից շատերը բուժելի են: Նա նշում է, որ հազարավոր ամուսնություններ քանդվում են ֆիզիոլոգիական պատճառներով, որոնք կարող էին լուծվել պատշաճ բժշկական օգնության միջոցով: Սակայն, երբ զույգերը հասնում են ամուսնալուծության, հուզական հեռավորությունը հաճախ դառնում է անհաղթահարելի, չնայած սկզբնական պատճառը պարզ էր՝ լավ գիշերային քնի ցանկությունը: