Կաննի 79-րդ միջազգային կինոփառատոնի դասականներ ծրագրում կայացել է Արտավազդ Փելեշյանին նվիրված հատուկ ցուցադրությունը
19:16 18 մայիսի, 2026Կաննի 79-րդ միջազգային կինոփառատոնի դասականներ ծրագրում կայացավ հայ մեծանուն կինոռեժիսոր Արտավազդ Փելեշյանին նվիրված հատուկ ցուցադրությունը։
Cinema Foundation of Аrmenia-ի ինստագրամյան էջում միջոցառումից լուսանկարներ են հրապարակվել։ Հաղորդագրության մեջ նշված է, որ լեփ-լեցուն դահլիճում իրար հաջորդելով ցուցադրվել են ռեժիսորի հինգ վերականգնված ֆիլմերը՝ հանդիսատեսին հնարավորություն տալով անցնել Փելեշյանի կինեմատոգրաֆիական աշխարհի տարբեր փուլերով։
Посмотреть эту публикацию в Instagram
Ցուցադրությանը ներկա էր նաև անձամբ Արտավազդ Փելեշյանը, ում հանդիսատեսը ընդունել է բացառիկ ջերմությամբ ու երկարատև ծափահարություններով։
«Այս ցուցադրությունը ևս մեկ անգամ հաստատեց Մաեստրոյի արվեստի շարունակական ներկայությունը համաշխարհային կինոյում»,-ասվում է հրապարակման մեջ։
Ֆիլմերը վերականգնվել են Coproduction Office-ի կողմից @cinetecabologna -ի ֆինանսական աջակցությամբ:
Ծրագիրն իրականացվել է Հայաստանի կինոյի հիմնադրամի, @armpublictv, @vgikofficial և @belarusfilm համագործակցությամբ՝ @zdf.de -ի լրացուցիչ աջակցությամբ։