Օպերային երգչուհի Հասմիկ Գրիգորյանն արժանացել է Բալթյան մրցանակի՝ երաժշտության մեջ ունեցած ակնառու ներդրման համար
13:05 13 հունիսի, 2026Աշխարհահռչակ օպերային երգչուհի Հասմիկ Գրիգորյանն դարձել է հեղինակավոր «Բալթյան մրցանակաբաշխություն 2026»-ի դափնեկիր՝ «Երաժշտության մեջ ունեցած ակնառու ներդրման համար» անվանակարգում: Մրցանակը գնահատում է նրա փառահեղ միջազգային կարիերան և ժամանակակից օպերայի վրա ունեցած հսկայական ազդեցությունը:
Բալթյան մրցանակի դափնեկիրների հանձնման արարողությունը Բալթյան երկրների մշակութային գործիչների ամենակարևոր նվաճումները ճանաչելուն ուղղված նախագծի մի մասն էր: Պատվավոր արձանիկը օպերային դիվային հանձնեցին Լատվիայի կատարողների և պրոդյուսերների ասոցիացիայի (LaIPA) գործադիր տնօրեն Լիենա Էդվարդասը և Լատվիայում Լիտվայի արտակարգ և լիազոր դեսպան Աուդրոնե Մարկևիչիենեն:
Կազմակերպիչները ընդգծել են, որ Գրիգորյանի յուրահատուկ դրամատիկ տաղանդը և արվեստին նվիրվածությունը նրան բարձրացրել են համաշխարհային օպերային ասպարեզում: Այս մրցանակը լրացնում է նրա պարգևների լայն ցանկը: Նրա է պատկանում նաև «Տարվա երգչուհի» տիտղոսը՝ ըստ Միջազգային օպերային մրցանակաբաշխության և Opus Klassik-ի: