MI5-ի ղեկավարը խոստովանել է իր սերը «Դանդաղ ձիեր» լրտեսական սերիալի նկատմամբ
10:46 18 հունիսի, 2026Բրիտանական հակահետախուզական ծառայության՝ MI5-ի գլխավոր տնօրեն սըր Քեն ՄաքՔալումն իրեն անվանել է «Դանդաղ ձիեր» լրտեսական թրիլերի նվիրված երկրպագու, հաղորդում է BBC-ն։
Apple TV+ հոսքային ծառայության այս նախագիծը քննադատների կողմից հաճախ անվանում են «հակաբոնդ»։ Սըր Գարի Օլդմանը խաղում է MI5 գործակալների թիմի կոպիտ, անպարկեշտ առաջնորդի դերը, որոնք վատ են պահել իրենց կամ ձախողել են առաքելությունները և որպես պատիժ աքսորվել են «Slough House» անունով հեռավոր մասնաճյուղ։
MI5-ի պաշտոնական Instagram-յան էջում տեղադրված տեսանյութում Քեն ՄաքՔալումին հարցրել են. «Իսկապես ի՞նչ եք մտածում MI6-ում գտնվող ձեր ընկերների մասին գետի մյուս կողմում»։ (Երկու գործակալությունների լոնդոնյան գլխավոր գրասենյակները գտնվում են Թեմզա գետի հակառակ կողմերում՝ խմբ.)։
«Կարելի է ասել, որ այս աշխարհում տեղ կա և՛ Ջեյմս Բոնդի, և՛ «Դանդաղ ձիերի» համար», - պատասխանել է հակահետախուզության ղեկավարը։ «Բայց ես, հավանաբար, Դանդաղ ձիերի ճամբարում եմ»։
«Ենթադրում եմ՝ հարց տվողը հույս ուներ մեր միջև ինչ-որ մրցակցության։ Բայց ճշմարտությունն այն է, որ MI6-ի սպաները մեր ընկերներն ու գործընկերներն են», - ավելացրել է նա։
«Դանդաղ ձիերը» հիմնված է Միք Հերոնի համանուն բեսթսելլեր վեպի վրա։ Շոուի պրեմիերան տեղի է ունեցել 2022 թվականին։ Այն հսկայական հաջողություն է վայելում. վեցերորդ եթերաշրջանը նախատեսված է այս տարվա սեպտեմբերին, իսկ յոթերորդը՝ 2027 թվականին։
Սըր Գարի Օլդմանը մնում է սերիալի աստղը։ Նրա կերպարը՝ Ջեքսոն Լեմբը, անփույթ, մշտապես հարբած, բայց միևնույն ժամանակ հանճարեղ գործակալ է, որի առանձնահատկությունը նրա ոչ այնքան ջենտլմենական վարվելակերպն է։ 2024 թվականին BBC-ին տված հարցազրույցում, որը համընկավ չորրորդ եթերաշրջանի թողարկման հետ, Օլդմանը նկարագրեց սերիալի մթնոլորտը հետևյալ կերպ. «Սա լրտեսության կեղտոտ ենթափորն է։ Սա հետախուզության երկրային, բյուջետային տարբերակ է, եթե կուզեք՝ լրտեսություն՝ սուպերմարկետի թեյի մակարդակի»։