Կարա Դելևինը խոստովանել է, որ մտերմացել է Էմբեր Հերդի հետ, երբ վերջինը բաժանվել է Ջոնի Դեփից

Բրիտանացի մոդել և դերասանուհի Կարա Դելևինը առաջին անգամ անկեղծորեն խոսել է Ջոնի Դեփի և Էմբեր Հերդի աղմկահարույց ամուսնալուծության ժամանակ դերասանուհու հետ կապված երկարատև լուրերի մասին։

«The Louis Theroux Podcast»-ում 33-ամյա Դելևինը պատմել է, որ Հերդի հետ ծանոթացել է «Լոնդոնյան դաշտեր» ֆիլմի վրա աշխատելիս։ Նա պնդել է, որ այդ ժամանակ նրանց միջև ոչինչ չի պատահել, չնայած Ջոնի Դեփը, ինչպես ինքն է ասել, «խանդից խելագարվում էր»։

«Այն ժամանակ ոչինչ չի եղել։ Բայց ավելի ուշ, նրանց ամուսնալուծությունից հետո... կարծում եմ՝ այո»,-ասաց մոդելը՝ պատասխանելով Հերդի հետ հնարավոր սիրավեպի մասին հարցին։

Դելևինը խոստովանել է, որ ինքը և Էմբերը երկար ժամանակ շատ մտերիմ են եղել։ «Երբ նա ամուսնալուծության մեջ էր, մենք իսկապես կապված էինք։ Բայց Էմբերն այդ ժամանակ նաև կապված էր այլ մարդկանց հետ», - ավելացրել է նա։

Այս դիտողություններից հետո հաղորդավարը հիշատակել է Իլոն Մասկին, որի հետ Հերդը հանդիպում էր Դեփից բաժանվելուց հետո։ Ի պատասխան՝ Դելևինը պարզապես ասել է. «Ճիշտ է»։

Հիշեցնենք, որ Ջոնի Դեփը և Էմբեր Հերդն ամուսնացել էին 2015 թվականին, սակայն ընդամենը մեկ տարի անց դերասանուհին ամուսնալուծության դիմում է ներկայացրել։ Նախկին զույգը հետագայում հայտնվել է Հոլիվուդի ամենաաղմկոտ դատական ​​​​գործընթացներից մեկի կենտրոնում։ Էմբեր Հերդն այժմ ապրում է Մադրիդում՝ իր երեք երեխաների հետ և հազվադեպ է հայտնվում հանրության առջև, մինչդեռ Կարա Դելևինը որոշել է առաջին անգամ անդրադառնալ տարիներ շարունակ սիրավեպի մասին հետապնդող լուրերին։