Բրեդ Փիթի երեխաներից ևս երկուսը պաշտոնապես հրաժարվել են նրա ազգանունից

Անջելինա Ջոլիի և Բրեդ Փիթի երեաներից ևս երկուսը սկսել են հոր ազգանունից հրաժարվելու պաշտոնական գործընթացը: Զահարան և Մեդոքսը դատարան են ներկայացրել անհրաժեշտ փաստաթղթերը և, ինչպես պահանջվում է Կալիֆոռնիայի օրենքով, իրենց անվանափոխության մասին ծանուցումներ են հրապարակել տեղական թերթում։

Դատարանի փաստաթղթերի համաձայն՝ 21-ամյա Զահարան չորս շաբաթ անընդմեջ հայտարարություն է հրապարակել Los Angeles Daily Journal-ում: Եթե սեպտեմբերի 28-ին նշանակված դատական ​​նիստում առարկություններ չներկայացվեն, դատարանը կկարողանա պաշտոնապես հաստատել անվանափոխությունը: Նա այժմ ցանկանում է հայտնի լինել որպես Զահարա Ջոլի՝ Զախարա Ջոլի-Փիթ անվան փոխարեն։

24-ամյա Մեդոքսը նույնպես հետևում է նույն գործընթացին: Փաստաթղթերում նա նշել է, որ խնդրում է անունը փոխել Մեդոքս Չիվան Ջոլի-Փիթից Մեդոքս Չիվան Ջոլիի՝ նշելով իր որոշման անձնական պատճառները։

Փաստորեն, երկուսն էլ վաղուց դադարել են օգտագործել Փիթի ազգանունը։ Զահարան Սպելման քոլեջից դիպլոմ ստանալիս ներկայացել է որպես Զահարա Մարլի Ջոլի, իսկ Մեդոքսը հրաժարվել է հոր ազգանունից Անջելինա Ջոլիի «Կուտյուր» ֆիլմի տիտրերում, որի վրա նա աշխատում էր։

Սա ընտանիքում առաջին նման միջադեպը չէ։ Անցյալ տարի նրանց դուստրը՝ Շայլոն, պաշտոնապես հրաժարվել է Փիթ ազգանունից, և, ըստ լրատվամիջոցների հաղորդագրությունների, նա վարձել է փաստաբան և վճարել բոլոր իրավաբանական ծախսերը։ Վիվիեննը նախկինում նույնպես հրաժարվել էր հոր ազգանունից՝ «Օտարները» Բրոդվեյի մյուզիքլի ծրագրում իրեն ներկայացնելով որպես Վիվիեն Ջոլի։

Հիշեցնենք, որ Անջելինա Ջոլին և Բրեդ Փիթը ունեն վեց երեխա՝ Մեդոքսին, Փաքսին, Զահարային, Շայլոյին և երկվորյակներ Նոքսին ու Վիվիենին։ Ըստ արևմտյան լրատվամիջոցների՝ իրենց աղմկոտ ամուսնալուծությունից հետո դերասանի հարաբերությունները իր երեխաների մեծ մասի հետ մնում են լարված։