35 տարեկանում կյանքից հեռացել է «Միսս Տիեզերք Ջամայկա» մրցույթի ֆինալիստ ԼաՏոյա Մալքոլմը
10:52 21 հուլիսի, 2026«Միսս Տիեզերք Ջամայկա» մրցույթի նախկին ֆինալիստ ԼաՏոյա Մալքոլմը մահացել է 35 տարեկանում։ Նրա մահվան մասին պաշտոնապես հայտարարել են մրցույթի կազմակերպիչները։
«Մենք խորապես վշտացած ենք «Միսս Տիեզերք Ջամայկա» մրցույթի ֆինալիստ ԼաՏոյա Մալքոլմի մահվան կապակցությամբ, որը հպարտությամբ մրցում էր 2024 թվականի տիտղոսի համար» -ասվում է կազմակերպության Ինստագրամի էջում տեղադրված հայտարարության մեջ։
«Մեր անկեղծ ցավակցությունները նրա ընտանիքին, ընկերներին և սիրելիներին։ Հանգչիր խաղաղությամբ, ԼաՏոյա, դու երբեք չես մոռացվի»։
Մահվան պատճառը դեռևս չի հրապարակվել։
Բացի «Միսս Տիեզերք 2024» ազգային մրցույթին մասնակցելուց (որտեղ Ռեյչել Սիլվերան վերջիվերջո նվաճեց թագը), Մալքոլմը նույն թվականին նվաճել է նաև «Միսս Ջամայկա Բիկինի Ինթերնեշնլ» տիտղոսը։ Կազմակերպիչները նրան նկարագրել են որպես «դերասանուհի և կատարող՝ զվարճանքի ոլորտում տասնամյակից ավելի փորձով»։ Սոցցանցերի համաձայն, նա նաև աշխատել է որպես պարուսույց և հեռուստահաղորդավար։