Սկանդալ Մորգան Ուելենի համերգին. հարբած երկրպագուն միզել է ամուսնական զույգի վրա, որոց հետ կար նաև երեխա

Հայտնի քանթրի երգիչ Մորգան Ուոլենի հերթական համերգն ավարտվել է մեծ սկանդալով: Այս անգամ միջադեպը տեղի է ունեցել ոչ թե արտիստի հետ, այլ տրիբունաներում: Բալթիմորում համերգի հանդիսատեսը մեղադրել է անհայտ մի տղամարդու իր և իր ընտանիքի վրա միզելու մեջ։

Զոհը՝ Թրոյ Գրևելդինգը, լրագրողներին ասել է, որ ինքը M&T Bank մարզադաշտ է եկել կնոջ, եղբոր և ութամյա զարմուհու հետ: Ուոլենի ելույթի ժամանակ նա և իր կինը հանկարծ զգացել են, որ մեզը կաթում է իրենց ոտքերից: Շրջվելով՝ Թրոյը տեսել է մի հարբած տղամարդու, որը չի փորձել թաքցնել իր գործողությունները։

«Նա ակնհայտորեն շատ հարբած էր և նստել էր սխալ նստատեղին: Նա բարձրաձայն գոռում էր և անընդհատ հրում էր մյուս երկրպագուներին: Անվտանգության աշխատակիցները նրան դուրս հանեցին մարզադաշտից, բայց Մերիլենդի նահանգային ոստիկանությունը սկզբում հրաժարվեց նրան ձերբակալել, քանի որ նրանք անձամբ ականատես չէին եղել միջադեպին»,-ասել է Թրոյը։

Մերիլենդի տրանսպորտային վարչության (MDTA) դետեկտիվը ավելի ուշ ձերբակալել է անկարգություն առաջացնողին: Իրավապահ մարմինների աշխատակիցները հաստատել են, որ տեղյակ են միջադեպի և սոցիալական ցանցերում տեղադրված տեսանյութերի մասին և ներկայումս անցկացնում են բաց քրեական հետաքննություն: