Նիկոլ Քիդմանին նկատել են Պորտոֆինոյում՝ հաջողակ ներդրողի հետ հանգստանալիս

59-ամյա Նիկոլ Քիդմանը նկատել ռն ներդրող Մայքլ Ռեյնշտեյնի հետ Պորտոֆինոյի հյուրանոցի դիմաց, գրում է Page Six-ը։

Դերասանուհին շքեղ տեսք ուներ կրեմագույն մետաքսե վերնաշապիկով և համապատասխան կիսաշրջազգեստով, երբ հաճելիորեն զրուցում էր գործարարի հետ։ Ներդրումային ընկերության հիմնադիրը, որը հանգիստ հանդիպման համար ընտրել էր կապույտ վերնաշապիկ, շորտեր և արևային ակնոցներ, ժպտում էր, իսկ մեկնելուց առաջ ինչ-որ բան փոխանցեց Քիդմանին հյուրանոցի պատուհանի ճաղերի միջով։ Դատելով պապարացիների լուսանկարներից՝ երկուսն էլ հիանալի տրամադրության մեջ էին և ակնհայտորեն վայելում էին զրույցը։

Քիդմանի ներկայացուցիչները դեռևս չեն արձագանքել մեկնաբանության խնդրանքին։ Չնայած Ռեյնշտեյնի ամուսնական կարգավիճակը ներկայումս անհայտ է, Նիկոլը վերջերս պաշտոնապես ամուսնալուծվել է։

Ո՞վ է Մայքլ Ռեյնշտեյնը

Լոս Անջելեսում ծնված տղամարդը 2013 թվականին հիմնադրել է Regent գլոբալ ներդրումային ընկերությունը, որտեղ նա զբաղեցնում է նախագահի և գլխավոր ներդրումային տնօրենի պաշտոնները։ Նա նաև USN հեռուստաալիքի համահիմնադիրն է։

Կյանքը Քիթ Ուրբանից հետո

Հիշեցնենք, որ դերասանուհին ամուսնալուծության դիմում է ներկայացրել Քիթ Ուրբանից 2025 թվականի սեպտեմբերին՝ գրեթե 20 տարվա ամուսնությունից հետո։ Նախկին զույգի, որը մեծացնում է երկու դուստրերի՝ 18-ամյա Սանդեյի և 15-ամյա Ֆեյթի, միջև ամուսնալուծության գործընթացները պաշտոնապես ավարտվեցին հունվարին։

Ցնցող բաժանումից երկու ամիս անց Նիկոլը լռությունը խախտեց Variety-ին տված հարցազրույցում։ «Ոսկե գլոբուսի» դափնեկիրը հայտարարեց, որ «միշտ առաջ կգնա»։ «Ես իսկապես շնորհակալ եմ իմ ընտանիքի համար. մենք պահպանում ենք այն, ինչ ունենք և առաջ ենք շարժվում։ Այսքանը», - նշել էր դերասանուհին։

Նա հավելել էր, որ հարգանքից ելնելով՝ որոշել է չքննարկել բաժանման մանրամասները. «Ես հավատարիմ եմ մնում այն ​​​​միտմանը, որ «Մենք ընտանիք ենք», և այդպես էլ մնալու է»։

Փետրվարին մամուլում լուրեր շրջանառվեցին, որ «Էմմիի» դափնեկիրը ակտիվորեն սիրահետում է միլիոնատեր գործարար Փոլ Սալեմի հետ։ Սակայն Page Six-ի աղբյուրը կտրականապես հերքեց այս ենթադրությունները՝ նշելով, որ դերասանուհին վայելում է իր ազատությունը. «Նա ոչ մեկի հետ չի հանդիպում... Նրա ամբողջ ուշադրությունը կենտրոնացած է իր երեխաների վրա»։