«Կաշին ու ոկորն են մնացել». K-pop-ի աստղի՝ «Red Velvet»-ից Վենդիի սարսափելիորեն նիհար տեսքը ցնցել է երկրպագուներին

32-ամյա հարավկորեացի երգչուհի Վենդին, որն առավել հայտնի է որպես Red Velvet աղջիկների հայտնի խմբի անդամ, ցնցել է երկրպագուներին իր քաշի կորստով: Արտիստի լուսանկարները K-pop Super Live փառատոնից հետո անմիջապես տարածվեցին համացանցում՝ նրա նիհար տեսքի պատճառով։

«Նա բոլորովին այլ մարդու տեսք ունի, նա չափազանց նիհար է», - գրել է մտահոգ երկրպագուներից մեկը։

«Անկեղծ ասած, ես հոգնել եմ տեսնել, թե ինչպես են աղջիկները այդքան նիհարում: Դա պարզապես անառողջ է», - նշել է մեկ այլ երկրպագու։

Հարավկորեական լրատվամիջոցների կողմից նրա կազմվածքի վերաբերյալ քննարկումները լուսաբանելուց հետո Վենդին անձամբ մեկնաբանել է իրավիճակը սոցիալական ցանցերում: Նա պնդել է, որ իր տեսքը մկանների կորստի արդյունք է, որը պայմանավորված է վարժությունների պակասով: «Ես մեկ ամսից ավելի չեմ մարզվել և շատ մկաններ եմ կորցրել: Ես կվերադառնամ մարզումներին, հենց որ գովազդային հոլովակներն ավարտվեն», - նրա խոսքերը մեջբերում է Koreaboo-ն։

Նա նաև վստահեցրել է երկրպագուներին, որ ինքը լավ առողջական վիճակում է։ «Կարող է թվալ, թե ես անառողջ եմ, բայց այդպես չէ։ Չնայած, իհարկե, եթե մի փոքր քաշ հավաքեի, ավելի առողջ կլինեի»։

Խմբում առաջին անգամը չէ

Վենդիի կերպարի կտրուկ փոփոխությունը տեղի է ունենում Red Velvet-ի մեկ այլ անդամի՝ 29-ամյա Ջոյի կողմից նմանատիպ քննարկումների առաջացումից կարճ ժամանակ անց։ 2014 թվականին խմբի դեբյուտի ժամանակ Ջոյը հայտնի էր իր առողջ կազմվածքով և գեղեցիկ այտերով, բայց անցյալ տարի նա քաշը կորցրեց մինչև ծայրահեղ նվազագույնը։

Վենդին և Ջոյը այս կոշտ չափանիշների միակ զոհերը չեն։ K-pop արդյունաբերությունը միլիարդավոր դոլարներ է ստեղծում և երիտասարդ աստղերից պահանջվում է բացարձակ և անզիջում կատարելություն։

K-pop: Idols in Wonderland հետազոտական ​​գրքի համաձայն՝ K-pop-ի 10 կին մարզվողներից մինչև 8-ը ամենորեա (դաշտանային ցիկլի դադարեցում) են ունենում թուլացնող դիետաների, սթրեսի և քրոնիկ քնի պակասի պատճառով։

Հյուծվածության պաշտամունքը. K-Pop-ի դաժան ենթաշերտը

Վենդիի պատմությունը կորեական շոու-բիզնեսի մութ կողմի սառցաբեկորի գագաթն է միայն.

New Jeans-ի Հյոինը 2023 թվականին (այն ժամանակ ընդամենը 14 տարեկան էր) տեսահոլովակի նկարահանումների ժամանակ բացահայտեց իր ամենօրյա սննդակարգը՝ ավոկադոյի մի կտոր, բալի լոլիկի երկու կես և մի քիչ դեղին բրինձ։

TWICE-ի Մոմոն խոստովանեց, որ 2015 թվականի իր դեբյուտից առաջ ստիպված է եղել մեկ շաբաթում նիհարել 7 կգ՝ հեռացնելու սպառնալիքով։ Նա օրական մեկ սառցե խորանարդ էր ուտում և անընդհատ մարզվում էր։ «Երբ պառկում էի քնելու, սարսափում էի, որ առավոտյան կարող է չարթնանամ, և սկսում էի լաց լինել։ Վախենում էի, որ նույնիսկ սառցե խորանարդից կգիրանամ», - հիշել է Մոմոն։

Red Velvet-ը ներկայումս պատրաստվում է թողարկել իր նոր ալբոմը՝ Velvet Summer-ը, բայց երաժշտության մասին քննարկելու փոխարեն հանրության ուշադրությունը կրկին կենտրոնացած է վտանգավոր քաշի կորստի միտումների վրա։