Էնջլ Մարտիրոսյանի հարսանիքից ու Անդրեի անակնկալից մինչև Սիրուշոյի նոր երգն ու աստղային այլ նորություններ. Instagram-ը՝ այս շաբաթ
20:30 9 օգոստոսի, 2026Հայկական շոուբիզնեսում վերջին օրերին ուշագրավ իրադարձությունների պակաս չկա․ հայտնի դեմքերից ոմանք նշում են կյանքի կարևոր իրադարձություններ, մյուսները կիսվում են ճամփորդական տպավորություններով, իսկ երգարվեստի ներկայացուցիչները նորություններով են ուրախացնում երկրպագուներին։ Էնջլ Մարտիրոսյանի հարսանիքից և Անդրեի անակնկալ հայտնվելուց մինչև Արփի Գաբրիելյանի ու Միհրան Ծառուկյանի՝ Շանհայից հրապարակումները, Իվետա Մուկուչյանի մրցանակն ու Սիրուշոյի սպասված նոր երգը՝ ներկայացնում ենք վերջին օրերի ամենաքննարկվող շոուբիզնեսյան նորությունները Instagram-ից:
Էնջլ Մարտիրոսյանի հարսանիքն ու Անդրեի անակնկալը
Посмотреть эту публикацию в Instagram
Ամերիկաբնակ դերասանուհի Էնջլ Մարտիրոսյանն ամուսնացել է։ Դերասանուհու հարսանիքը տեղի է ունեցել օրերս, իսկ համացանցում հատկապես տարածվել է երեկոյի հուզիչ պահը, երբ Անդրեն, որի հետ Էնջլը մտերիմ է եղել դեռ մանկուց, անսպասելիորեն հայտնվել է նրա հարսանյաց խնջույքին և երգել նորապսակների համար։
Էնջլ Մարտիրոսյանը ռեժիսոր Լուսինե Մարտիրոսյանի դուստրն է, որը բազմիցս համագործակցել է երգչի հետ՝ նրա տեսահոլովակների շրջանակում։
Հուզիչ տեսանյութը կարճ ժամանակում տարածվել է համացանցում՝ առաջացնելով ջերմ արձագանքներ և բազմաթիվ մեկնաբանություններ։
Արփի Գաբրիելյանն ու Միհրան Ծառուկյանը՝ Շանհայում
Посмотреть эту публикацию в Instagram
Զույգը, կարծես, վայելում է հանգիստը Չինաստանում։ Արփին ու Միհրանը կիսվել են Շանհայից իրենց տպավորություններով։
Նրանք լուսանկարներ են հրապարակել քաղաքի գեղեցիկ տեսարանների ֆոնին, ինչպես նաև փորձել են այնտեղի հայտնի պաղպաղակը։
Իվետա Մուկուչյանի մրցանակն ու տպավորությունները BIAF-ից
Посмотреть эту публикацию в Instagram
Ինչպես արդեն հայտնի է, Իվետա Մուկուչյանը օրերս Լիբանանում մասնակցել է BIAF մրցանակաբաշխությանը՝ արժանանալով նաև մրցանակի։ Երգչուհին Instagram-ի իր էջում շարունակում է կիսվել միջոցառումից ստացած տպավորություններով։
«BIAF-ում կարճ, բայց շատ հագեցած օրեր ունեցա։ Ստացա մրցանակ, գնահատվեց անցած ճանապարհս։
Հատուկ ընդգծեցի մեր երկիրն ու հայ արտիստ լինելը։
Շնորհակալ եմ այս անմոռանալի օրերի, ջերմ վերաբերմունքի և գեղեցիկ հիշողությունների համար»,- գրել է նա։
Ի դեպ, հրապարակման մեջ կա նաև լուսանկար սիրելիի՝ պրոդյուսեր Ռոշայի հետ։
Սիրուշոն նոր երգ կթողարկի
Посмотреть эту публикацию в Instagram
Այս նորությանը երգչուհու երկրպագուները երկար էին սպասել։ Սիրուշոն երեկ ուրախացրել է նրանց՝ հրապարակելով տեսանյութ, որում ասում է. «Նոր երգ՝ մի քանի օրից»։
Մեկնաբանությունների բաժինը միանգամից ողողվել է «Վերջապես», «Չեմ համբերում», «Անհամբեր սպասում ենք» արձագանքներով։