«Նեշվիլ» և «Հերոսներ» հեռուստասերիալների աստղ Հեյդեն Պանետերին մահացել է 36 տարեկանում
10:25 17 օգոստոսի, 2026Ամերիկացի դերասանուհի Հեյդեն Պանետերին, որն առավել հայտնի է «Նեշվիլ» և «Հերոսներ» հեռուստասերիալներում իր գլխավոր դերերով, մահացել է 36 տարեկանում։
«Խորը վշտով հայտարարում ենք մեր սիրելի Հեյդենի ողբերգական կորստի մասին», - ABC News-ին տված հայտարարության մեջ ասել է նրա հայրը՝ Սկիպ Պանետերին։ «Նա անհավանական լույս և բնության ուժ էր, որը անսահման սեր և ուրախություն էր պարգևում բոլոր նրանց, ովքեր ճանաչում էին նրան, ինչպես նաև միլիոնավոր մարդկանց, որոնք դիտում էին նրան հեռուստացույցով»։
Նրա հայրը եզրափակել է հայտարարությունը` խնդրելով հարգել ընտանիքի անձնական կյանքը, քանի որ նրանք պայքարում են այս անդառնալի կորստի հետ։
Մահվան պատճառը դեռևս չի բացահայտվել։
Իրավապահ մարմինների աղբյուրները TMZ-ին հայտնել են, որ ոստիկանությունը արձագանքել է դերասանուհու հետ կապված միջադեպին, և ներկայումս հետաքննություն է ընթանում։ Ըստ ներքին աղբյուրների, Պանետերին գանգատվել է մեջքի ցավից ողբերգությունից կարճ ժամանակ առաջ։ Ավելին, նրա ընկերը՝ Բրայան Հիքերսոնը, մահից ընդամենը մեկ օր առաջ Լոս Անջելեսից թռել է նրան տեսնելու։ Ողբերգությունը տեղի է ունեցել դերասանուհու «Սա ես եմ. Հաշվեհարդար» հուշագրության՝ «Նյու Յորք Թայմս»-ի բեսթսելլեր դառնալուց ընդամենը մի քանի ամիս անց։
Գրքում և վերջին հարցազրույցներում Պանետիերը անկեղծորեն խոսել է իր կյանքի դժվարին փորձությունների մասին.
Դերասանուհին ներկայացրել է 2018 թվականին ծննդաբերությունից հետո ծանր դեպրեսիայի և վաղ ճանաչում ձեռք բերելու դժվարությունների հետ կապված իր փորձը։
Նա պաշտպանել է դստեր՝ Կայայի խնամակալությունը հորը՝ նախկին բռնցքամարտի չեմպիոն և Կիևի նախկին քաղաքապետ Վլադիմիր Կլիչկոյին հանձնելու իր որոշումը՝ ընդգծելով, որ ինքը հուսահատորեն օգնության կարիք ունի, բայց երբեք «չի հրաժարվել» իր երեխայից։ Մայիսին իր գրքի գովազդային արշավի ժամանակ դերասանուհին առաջին անգամ հրապարակայնորեն հայտարարեց, որ բիսեքսուալ է՝ նշելով, որ երկար ժամանակ թաքցրել է իր կյանքի այս մասը մամուլի և պապարացիների անընդհատ ճնշման պատճառով։