Կապիտան Ջեք Ճնճղուկը վերադառնո՞ւմ է. Ջոնի Դեփը բանակցություններ է վարում «Կարիբյան ծովի ծովահենները» 6-րդ ֆիլմի շուրջ
14:20 17 օգոստոսի, 2026Հանրահայտ ֆրանշիզայի երկրպագուները կարող են ուրախանալ. Ջոնի Դեփը մոտ է իր ամենահայտնի դերին վերադառնալուն: Պրոդյուսեր Ջերի Բրուքհայմերը հաստատել է, որ դերասանը բանակցություններ է վարում «Կարիբյան ծովի ծովահենները» ֆիլմաշարի վեցերորդ մասում նկարահանվելու շուրջ:
D23 միջոցառման ժամանակ Բրուքհայմերը Deadline-ին տված հարցազրույցում նշել է. «Մենք բանակցություններ ենք վարում Ջոնիի հետ, աշխատում ենք սցենարի վրա և հուսով ենք, որ շուտով կկարողանանք այն ավարտին հասցնել»:
Ըստ ներքին աղբյուրների՝ ֆրանշիզայի նոր ֆիլմը կկենտրոնանա դերասանուհի Մարգո Ռոբիի կերպարի վրա, մինչդեռ Ջոնի Դեփը կվերադառնա որպես լեգենդար կապիտան Ջեք Ճնճղուկ՝ երկրորդական (կամ երկրորդ պլանի) դերում։