«Երևանի գիշերները» մշակութային նախագիծը կանցկացվի մայրաքաղաքի տարբեր այգիներում
16:04 21 օգոստոսի, 2026«Երևանի գիշերները» մշակութային նախագիծը բաղկացած է 6 համերգից՝ 3 դասական և 3 ջազային, որոնք կանցկացվեն Երևանի տարբեր այգիներում։
Նախագծի նպատակն է Երևանի հանրային այգիներում հնչեցնել բարձրարժեք դասական և ջազային երաժշտություն՝ ստեղծելով բաց մշակութային հարթակ ինչպես Երևանի բնակիչների, այնպես էլ քաղաքի հյուրերի համար։
Հանգստի և զբոսանքի ընթացքում այցելուները հնարավորություն կունենան բաց երկնքի տակ վայելելու հայկական և համաշխարհային երաժշտարվեստի լավագույն ստեղծագործությունները՝ առանց համերգասրահ այցելելու անհրաժեշտության։
Նախագծին մասնակցում են՝
- ՀՀ վաստակավոր արտիստ Վահագն Հայրապետյանը և «Armenian Colours» ջազային խումբը, «Yerevan-New York” ջազ քառյակը
- «Կանտատա» լարային տրիոն և օպերային երգչուհի Վարսենիկ Ավանյանը
Դասական ծրագիր՝
● Օգոստոսի 25 — Մերգելյան այգի
● Օգոստոսի 31 — Սիրահարների այգի
● Սեպտեմբերի 14 — Վահագն Դավթյանի այգի
Ջազային ծրագիր՝
● Օգոստոսի 26 — Վահագն Դավթյանի այգի
● Օգոստոսի 27 — Սիրահարների այգի
● Սեպտեմբերի 11 — Մերգելյան այգի
Համերգների սկիզբը՝ ժամը 20:00-ին։
Համերգաշարն իրականացվում է Երևանի քաղաքապետարանի աջակցությամբ և «Կանտատա» ՀԿ-ի նախաձեռնությամբ: