Արիանա Գրանդեն Թրամփից պահանջել է այլևս երբեք չօգտագործել իր երաժշտությունը

Արիանա Գրանդեն պահանջում է, որ նախագահ Դոնալդ Թրամփը դադարեցնի իր երաժշտությունն օգտագործելը, գրում է People-ը։

Հինգշաբթի՝ օգոստոսի 20-ին, Team Trump TikTok էջը տեսանյութ հրապարակեց, որտեղ որպես սաունդթրեք օգտագործվել է Գրանդեի «We Can’t Be Friends (Wait For Your Love)» երգը։ Տեսանյութում Թրամփը մասնակցում է վիրուսային միտման, որը ոգեշնչված է երգի «Me and my truth we sit in silence/Ես և իմ ճշմարտությունը, մենք լռության մեջ նստած ենք» բառերից։

Տեսանյութում 80-ամյա Թրամփը քայլում է դեպի ամբիոն հանրահավաքի ժամանակ, որի տակ գրված է վերոնշյալ տեքստը և «Տղամարդիկ չեն կարող երեխաներ ունենալ և երբեք չպետք է մրցեն կանանց սպորտում»։

«Սա չպետք է վիճահարույց լինի։ #trump #arianagrande #maga», - ասվում էր գրառման մակագրության մեջ։

33-ամյա երգչուհին պատասխանել է մեկնաբանություններում՝ պահանջելով, որ Թրամփի թիմը դադարեցնի իր երաժշտությունն օգտագործելը։ «Այլևս երբեք մի՛ օգտագործեք իմ երաժշտությունը։ Բացի այդ, ձեր ճշմարտությունը կեղծ է», - գրել է նա։ Նրա մեկնաբանությունը, սակայն, այլևս չի երևում։

Լուսանկարները՝ Alex Brandon / Associated Press, Katia Temkin (Courtesy of Republic Records)