Paramount-ը մշակում է «Ինչպես ազատվել տղայից 10 օրում» ֆիլմի շարունակությունը
14:32 25 օգոստոսի, 2026«Ինչպես ազատվել տղայից 10 օրում» պաշտամունքային ռոմանտիկ կատակերգության երկրպագուները կարող են սպասել իրենց սիրելի զույգի անակնկալ վերադարձին: Paramount Pictures-ը մշակում է 2003 թվականի ֆիլմի շարունակությունը, որը Քեյթ Հադսոնին և Մեթյու Մակքոնահիին դարձրել է կինոյի ամենահիշարժան ռոմանտիկ զույգերից մեկը։
Ըստ տեղեկությունների՝ նախագիծը դեռևս վաղ մշակման փուլում է: Ստուդիան դեռևս փնտրում է սցենարիստ, և դերասանական կազմը պաշտոնապես հաստատված չէ: Paramount-ը հույս ունի Հադսոնին և Մակքոնահիին վերադարձնել իրենց պաշտամունքային դերերին։
Variety-ի փոխանցմամբ՝ Քեյթ Հադսոնն արդեն համաձայնվել է պրոդյուսերավորել նախագիծը Սթեյսի Շերի և նրա ընկերության՝ Shiny Penny Productions-ի հետ միասին։
Բնօրինակ ֆիլմը կինոթատրոններում ցուցադրվել է 2003 թվականի փետրվարի 7-ին և ամբողջ աշխարհում վաստակել է ավելի քան 177 միլիոն դոլար։