Քիմ Քարդաշյանն ու Լյուիս Հեմիլթոնն իրենց «կատարյալ զույգ» են անվանել. սիրավեպը նոր մակարդակի է հասել

45-ամյա Քարդաշյանն անակնկալ հայտարարություն է արել Instagram-ի իր Stories-ում: Նա սքրինշոթ է հրապարակել հայտնի Fortnite տեսախաղից՝ ցույց տալով իր և Հեմիլթոնի վիրտուալ տարբերակները, որոնք կանգնած են միմյանց կողքին: Նկարն ուղեկցվել է լակոնիկ, բայց խոսուն մակագրությամբ՝ #couplegoals («կատարյալ զույգ»):

Երկու հայտնիներն էլ ներկայացված են Fortnite-ում որպես Icon Series-ի մաս, ինչը խաղացողներին թույլ է տալիս օգտագործել նրանց խաղային ավատարները վիրտուալ աշխարհում: Հենց այս կերպարներն էլ Քարդաշյանի կողմից դարձել են զգացմունքների յուրօրինակ խոստովանություն։

Զույգի մտերմության մասին խոսակցություններն առաջին անգամ շրջանառվել են փետրվարին, երբ Քարդաշյանին ու Հեմիլթոնին միասին նկատել էին Փարիզում։ Սակայն նրանք որոշել են պաշտոնապես հաստատել հարաբերությունները միայն հունիսին՝ դրանք դարձնելով «Instagram-յան պաշտոնական» (Instagram Official):

Այդ ժամանակից ի վեր սիրահարները պարբերաբար հայտնվում են միմյանց սոցցանցային հրապարակումներում՝ կիսվելով համատեղ սելֆիներով և ռոմանտիկ ճամփորդությունների կադրերով: