Անձրևի և կայծակի պատճառով հետաձգվել է Էրիկի մենահամերգը
17:04 31 օգոստոսի, 2026Երեկ՝ օգոստոսի 30-ին, Երևանի Օպերային թատրոնի շենքի տանիքում նախատեսված էր Էրիկ Կարապետյանի մենահամերգը։ Սակայն եղանակային անբարենպաստ պայմանները խանգարել են երեկոյի բնականոն ընթացքին։
View this post on Instagram
Համերգի մեկնարկից հետո երգիչը հասցրել է մի քանի երգ կատարել, սակայն ուժեղ անձրևի և կայծակի պատճառով միջոցառումը ստիպված են եղել դադարեցնել։ Էրիկ Կարապետյանն ավելի ուշ իր ինստագրամյան սթորիում հայտնել է, որ համերգը տեղափոխվում է սեպտեմբերի 3-ին՝ ժամը 20:30-ին։
Նրա փոխանցմամբ՝ արդեն գնված բոլոր տոմսերը շարունակում են ուժի մեջ մնալ։ Համերգի ընթացքում արված կադրերում երևում է, թե ինչպես է հանդիսատեսը, չնայած եղանակի վատթարացմանը, շարունակում մնալ տանիքում, իսկ բեմից հնչող երաժշտությանը զուգահեռ երկնքում կայծակներ են փայլատակում։