Ի՞նչ նվիրել մարտի 8-ին

Մայրության եւ գեղեցկության տոնին  սպասում են բոլորը՝ թե՛ կանայք եւ թե՛ տղամարդիկ: Անկասկած, մարտի 8-ին նախապատրաստվելու համար նվերներն ընտրելուց հնչում է հետեւյալ հարցը: Ի՞նչ նվիրել:  

NEWS.am STYLE-ը իր ընթերցողների հասարակ, բայց արդյունավետ խորհուրդներ է տալիս.

• Պետք չէ նյութականացնել մարտի 8-ը: Այն կանանց համար առաջնային ուշադրության տոն է: Ամենից առաջ կինը ցանկանում է իր նկատմամբ պատշաճ ուշադրություն, իսկ մարտի 8-ին այդ ուշադրությունը որոշակի դրսեւորմամբ ակնհայտ է դառնում: 
• Չնայած ամեն ինչի՝  շատերը նախընտրում են իրենց սերն ու հարգանքը կանանց նկատմամբ դրսեւորել նյութական իրերով եւ դրանց հետաքրքիր մատուցմամբ:
• Ծաղիկներ եւ շնորհավորական բացիկը անկասկած կարեւոր են: Դրանց հետ միասին կարող եք նվիրել ձեր սիրելիներին հետաքրքրող ինչ-որ իր, որը նա շատ է ցանկացել  ձեռք բերել: Հավատացնում ենք, նա իրեն շատ շոյված կզգա:
• Եվ ամենագլխավոր պայմանը, պետք է մտածեք, թե ինչպե՞ս եւ ի՞նչ միջավայրում հանձնել նվերը: Նրան կարող եք երեկոյան ընթրիքի հրավիրել կամ մի վայր, որտեղ կկարողանաք ռոմանտիկ երաժշտության եւ աստղազարդ երկնքի ներքո շնորհավորել: 
• Եվ ամենագլխավորը՝ այդ օրը եղեք խենթ եւ պատրաստ եղեք խենթությունների:
  
  

Պատրաստեց՝ Մ.Մ.