Արթուր Խաչենցը հայր է դարձել, Սոնան ու Գրիգը սպասում են առաջնեկին, Ներսես Ավետիսյանն ամուսնալուծվել է. Instagram-ը՝ այս շաբաթ

21:30   13 սեպտեմբերի, 2026

Դեռ նախորդ շաբաթ Coca Cola Music Fest-ի բեմից պարուհի, երգչուհի Սոնա Եսայանը ցուցադրեց իր գեղեցիկ կարգավիճակը՝ առաջին անգամ լսարանին հայտնելով, որ ինքն ու ամուսինը՝ Գրիգ Գևորգյանը, սպասում են իրենց առաջնեկին:

Ավելի ուշ Instagram-ում Սոնան տեղադրեց նոր տեսանյութ, որում կեցվածք է ընդունում կլորացած փորիկով:

Посмотреть эту публикацию в Instagram

Публикация от Sona Yesayan (@sona_yesayan)

Երգիչ Արթուր Խաչենցն ու նրա կինը՝ Անժելիկան, օրերս ողջունել են իրենց առաջնեկին։ Զույգը դուստր է ունեցել, որին անվանել են Սէրլի։ Արթուրն ինստագրամյան էջում կիսվել է մի քանի լուսանկարով՝ հայտնելով ուրախալի լուրը։ 

«04.09.2026․ Ծնվեց սիրով լի մեր Սէրլին»,-կից գրել է երգիչը։

Посмотреть эту публикацию в Instagram

Публикация от KHACHENTS Arthur ♰ Արթուր ԽԱՉԵՆՑ (@khachents)

Հավելենք, որ Արթուրն ու Անժելիկան ամիսներ առաջ հյուրընկալվել էին NEWS.am STYLE-ին, պատմել իրենց սիրո, ամուսնության ու երազանքների մասին։ Երգիչը խոսել էր նաև Արցախի մշակույթի ու բարբառի պահպանման կարևորության մասին՝ նշելով, որ իրենց ապագա երեխաները անպայման խոսելու են արցախյան բարբառով։ 

Դերասան, երգիչ և հաղորդավար Ներսես Ավետիսյանն ամուսնալուծվել է։ Այս մասին NEWS.am STYLE-ին հայտնել են հավաստի աղբյուրները։

Մեր տեղեկություններով՝ Ներսեսն ու կինը՝ Լիլիթը, արդեն որոշ ժամանակ է՝ միասին չեն։

Զույգի ամուսնալուծության պատճառը հայտնի չէ։ Ներսեսը, թերևս, միշտ էլ նախընտրել է անձնական կյանքը հեռու պահել հանրային ուշադրությունից։

Ամուսնալուծության լուրից հետո, սակայն, համացանցում մի շարք էջեր ասեկոսեներ տարածեցին Ներսես Ավետիսյանի և Անի Խաչիկյանի հնարավոր սիրավեպի մասին: Այսպիսի ենթադրությունների տեղիք, թերևս, տվեց այն փաստը, որ դերասանները միասին նկարահանվել են «Մի գդալ սեր» ռոմանտիկ ֆիլմում՝ մարմնավորելով սիրահար զույգի:



© NEWS.am STYLE