Կամո Սեյրանյանը սկսում է իր խոհարարական հաղորդումը՝ «Համ ու Դամ»
14:02 18 սեպտեմբերի, 2026«Արմենիա ԹԻ-ՎԻ»-ի եթերում սպասվում է նոր ձևաչափ, նոր հանդիպումներ ու ջերմ երեկոներ: Կամո Սեյրանյանը բացում է իր տան բակի դռները՝ հեռուստադիտողին հրավիրելով մի միջավայր, որտեղ կրակը թեժ է, հյուրերն՝ անկեղծ, իսկ զրույցները՝ առանց նախապես գրված սցենարի։
Կամոն մասնագիտությամբ խոհարար չէ, բայց փոքրուց գիտի՝ ինչպես են մեկ սեղանի շուրջ համախմբում մարդկանց։ Խոհարարության հանդեպ սերը ձևավորվել է դեռ մանկության տարիներին, երաժշտությունն էլ դարձել է նրա կյանքի անբաժան մասը։ Երկու նախասիրությունների միավորումից էլ ծնվել է «Համ ու Դամը»։
Հաղորդման ռեժիսորը Հրաչ Քեշիշյանն է, «Համ ու Դամ»-ը ունենալու է 12 թողարկում՝ ամեն անգամ նոր հյուրերով, պատմություններով, երգով ու երաժշտությամբ։ Ուտեստի պատրաստման ամբողջ ընթացքը ցուցադրվելու է մանրամասնությամբ, բայց նախագծի հեղինակների համար գլխավոր բաղադրիչը մարդիկ են ու նրանց միջև ստեղծվող ջերմ մթնոլորտը։
«Համ ու Դամի» պրեմիերան սեպտեմբերի 20-ին է, ժամը 20:30-ին՝ «Արմենիա ԹԻ-ՎԻ»-ի եթերում։